Söngvarinn Justin Bieber er staddur á Íslandi og er að taka upp nýja tónlist. Hann hefur verið duglegur að birta myndir á Instagram frá dvölinni og hefur ein myndið ollið talsverðu fjaðrafoki.

Á myndinni má sjá vin Justin, ástralska söngvarann Eddie Benjamin, spila á gítar. En ef betur er gáð má sjá Justin í gegnum dyragættina, sitja úti og virðist vera að reykja kannabis úr stórri vatnspípu (e. bong).

Á annarri mynd má sjá hann standa uppréttan og á bak við hann er vatnspípan.

Daily Mail fjallar um málið og bendir á allar athugasemdirnar sem voru ritaðar við færslurnar þar sem aðdáendur bentu söngvaranum á að vatnspípan sjáist vel og vandlea.

„Eina sem ég sé eru stónerar. Ég hélt að Justin Bieber væri betri en þetta, en haltu þessu allavega frá sviðsljósinu. Þú ert ekki góð fyrirmynd fyrir unga aðdáendur,“ sagði einn.

Sjá einnig: Justin Bieber virðist reykja kannabis á Íslandi – Sjáðu myndirnar

Þetta eru ekki fyrstu myndirnar sem hann birtir frá Íslandsheimsókninni þar sem hann virðist vera að reykja kannabis. Hann er að gista á Deplar Farm í Fljótum og er að taka upp í Flóki Studios, en þaðan birti hann þær myndir af sér reykja.