Körfuboltagoðið Lebron James er staddur á Íslandi ásamt eiginkonu sinni samkvæmt nokkuð öruggum heimildum karfan.is. Þar segir að ekki sé vitað hvar Lebron og frú komi til með að gista á meðan þau eru á landinu en líkast til á þeim stöðum sem lítið fer fyrir þeim og þau fá frið og ró.
Í fréttinni segir einnig að ekki sé heldur vitað hversu lengi kappinn ætli að eyða í sumarfríi sínu á Íslandi, sem hófst óvenju snemma þetta árið.
Lebron er goðsögn í íþróttaheiminum, einn af bestu körfuknattleiksmönnum samtímans. ,,Það verður fróðlegt að fylgjast með á næstu dögum hvort myndir af kappanum náist hérlendis í fríi sínu og þá hvort hann bjóði einhverjum heppnum ungmennum í einn á einn eða léttan Asna,” segir á karfan.is