Leikkonan Amanda Seyfried segir að viðbrögð karlmanna við einu atriði hennar í kvikmyndinni Mean Girls kölluðu fram ónotatilfinningu, og gera það enn átján árum seinna.

Amanda hefur verið að leika síðan hún var táningur og sló í gegn í myndinni Mean Girls árið 2004, þegar hún var átján ára. Síðan þá hefur hún leikið í vinsælum kvikmyndum á borð við Les Misérables, Dear John og Mamma Mia!. Hún fer með hlutverk Elizabeth Holmes í Hulu-þáttunum The Dropout sem komu út á streymisveitunni í mars 2022.

Í Mean Girls fór hún með hlutverk ljóskunnar Karen Smith, og í einu frægu atriði spáir hún fyrir veðrinu með því að taka utan um brjóst sín.

Í viðtali við Marie Claire útskýrði hún af hverju viðbrögð karlmanna við atriðinu hefðu látið henni líða óþægilega.

Hún sagði að enn í dag, átján árum seinna, koma karlmenn upp að henni og spyrja hvort það sé rigning, vitandi að þeir séu að hugsa um hana að snerta brjóst sín.

„Mér fannst það alltaf mjög ógeðfellt, ég var átján ára, þetta var bara ógeðslegt,“ sagði hún.

„Það hlýtur að fokking sökka að vera fræg þegar þú ert ung. Þér hlýtur að líða eins og þú sért ekki örugg þarna úti.“

„Ég sé unga leikara sem halda að þeir séu með gott öryggisnet. Þeir halda að þeir þurfi að vera með aðstoðarmann og finnst eins og heimurinn hefur breyst. Þetta getur verið mjög stressandi, ég hef séð þetta gerast fyrir jafningja mína.“

Amanda ákvað að fara í hina áttina og flutti á bóndabæ með eiginmanni sínum, Thomas Sadoski, og börnum þeirra tveimur, Ninu, 5 ára, og Thomas, eins árs.