Jaroslava Davidsson, ekkja Ásgeirs Þórs Davíðssonar – Geira í Goldfinger, hefur sett glæsilegt einbýlishús sitt við Melaheiði í Kópavog á sölu. Alls eru 8 herbergi í húsinu sem er tæplega 244 fermetrar að stærð. Í fasteignaauglýsingunni kemur fram að húsið sé á útsýnisstað og hafi verið mikið endurnýjað síðustu árin en Jaroslava keypti húsið árið 2001. Óskað er eftir tilboði í eignina en fasteignamatið hússins er 94,8 milljónir króna.
Ásgeir Þór lést árið 2012 en eftir fráfall hans rak Jaroslava kampavínsklúbbinn Goldfinger áfram í sjö ár þar til staðurinn var seldur í byrjun árs 2019.
Jaroslava var í hópi sex einstaklinga sem hlutu fangelsisdóma í júlí í fyrra fyrir framleiðslu á amfetamíni. Hlaut hún þriggja ára dóm fyrir sína aðild að málinu.