fbpx
Föstudagur 07.maí 2021
Fókus

Ragga Nagli með Covid-19: „Hér fáið þið strangheiðarlega ljósmynd af ástandinu“

Guðrún Ósk Guðjónsdóttir
Föstudaginn 16. apríl 2021 10:10

Ragga Nagli. Mynd/DV Hanna

Ekki missa af Helstu tíðindum dagsins í pósthólfið þitt

Lesa nánar

Ragnhildur Þórðardóttir er landsþekkt sem Ragga nagli og er virk á samfélagsmiðlum undir því nafni þar sem hún skrifar um heilsu á mannamáli. Hún er búsett í Kaupmannahöfn og greindist nýlega með kórónuveiruna.

Hún greinir frá þessu á Facebook. „Kórónaveiran fer greinilega ekki í manngreinarálit og tók sér bólfestu í Naglanum sem hefur státað sig gegnum tíðina af að vera annálað hreystimenni sem fær varla hor í nös. En þrátt fyrir slavíska grímunotkun, óhóflegan handþvott, stöðuga sprittun, tveggja metra reglu, olnbogaskot og félagslega einangrun þá dúndraði Rónan sér inn með hausverk, háan hita, beinverki og slappleika. En lyktar- og bragðskyn hefur sem betur fer haldið velli og fyrir matargat per exelans er það lottóvinningur,“ segir Ragga og deilir mynd með færslunni.

„Hér fáið þið strangheiðarlega ljósmynd af ástandinu, engar krúsidúllur né ondúleringar. Bara ófilteraður raunveruleiki af baðherberginu á Norðurbrú Kaupmannahafnar. Með flugvélagrímu eftir sautjánda lúr dagsins. Í skítugri flíspeysu og upplituðum ‘Áfram Ísland’ bol innanundir. Krossum fingur að Naglinn taki þetta á kassann, og hristi kvikindið af sér sem allra fyrst.

Því það hefur enginn tíma í að liggja í bælinu þegar þarf að sinna skjólstæðingum, rífa í járn og njóta vorblíðunnar í pilsi og sandölum.

Svo liggja stangir og lóð í kjallaranum sem örugglega sakna þess að vera ekki brúkuð daglega. Allavega saknar Naglinn þeirra.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Dóttir Manuelu fékk Gucci-veislu og stórkostlegan leynigest – „Andlitið á henni þegar hann labbaði inn“

Dóttir Manuelu fékk Gucci-veislu og stórkostlegan leynigest – „Andlitið á henni þegar hann labbaði inn“
Fókus
Fyrir 2 dögum

Reið móðir kom að henni í sólbaði – „Þetta er mjög lítið bikiní“

Reið móðir kom að henni í sólbaði – „Þetta er mjög lítið bikiní“
Fókus
Fyrir 3 dögum

Tilkynnti um hvarf kærastans – Lögreglan sagði að hann væri ekki til

Tilkynnti um hvarf kærastans – Lögreglan sagði að hann væri ekki til
Fókus
Fyrir 3 dögum

Bill og Melinda Gates að skilja

Bill og Melinda Gates að skilja