„Stam kemur ekki oft fyrir í fjölmiðlum, kvikmyndum eða sjónvarpsþàttum. Þegar það þó gerist er það oftar en ekki nýtt einstaklingum til minnkunnar eða sem aðhlátursefni.“ Þetta segir í kynningu á myndbandi sem Málbjörg, félag um stam, lét gera í tilefni af 30 ára afmæli félagsins.

Félagið lét útbúa nokkra grínsketsa með það fyrir augum að vekja athygli á þeim fordómum sem fólk sem stamar verður oft fyrir. „Við megum aldrei gleyma húmornum en hann er oft ágætis vopn til að koma góðum màlstað á framfæri. Það er jú nauðsynlegt að hlæja,“ segir í kynningunni.

Hér má smá myndband sem Saga Garðarsdóttir og Dóra Jóhanns leika í. Handrit og leikstjórn: Arnór Pálmi og Dóra Jóhanns.