Í september greindist 36 ára gamall fjölskyldufaðir, Hákon Einar Júlíusson, með krabbamein í ristli. Gekkst hann undir 12 tíma langa skurðaðgerð þar sem meinið var fjarlægt en framundan er lyfjameðferð sem hefst eftir nokkrar vikur.
Það liggur í augum uppi að veikindi af þessu tagi eru mikið áfall fyrir ungan mann og fjölskyldu hans en Hákon er giftur þriggja barna faðir. Brynjar Júlíusson, bróðir Hákons, hefur hrint af stað söfnun fyrir bróður sinn og fjölskyldu hans. Bendir hann á veikndin setji allt á annan endann hjá ungri fjölskyldu og setji fjárhaginn í uppnám:
„Það vita það auðvitað allir að slík veikindi setja allt lífið á annan endann. Það þarf áfram að hugsa um að halda heimili. Tryggja það að börnin búi við öryggi. Það ríkir óvissa um fjármálin, hvort, hvenær og hversu miklar tekjur hann kemur til með að hafa í þessu bataferli. Þar sem hvorki hann né kona hans eru í neinni aðstöðu til að hugsa um þau mál, eins og mál standa, þá höfum við ákveðið að reyna að létta þeim lífið eins og við mögulega getum.
Að því tilefni biðlum við til allra sem mögulega hafa tök á að styrkja fjölskylduna. Hvaða upphæð sem er, skiptir ekki máli, því margt smátt gerir eitt stórt. Við vonum svo sannarlega að þú lesandi góður gefir þér augnablik til að styrkja þau, við værum þér ævinlega þakklát.“
Þeim sem hafa hug á að styrkja Hákon og fjölskyldu hans í þessum erfiðu aðstæðum er bent á eftirfarandi reikningsupplýsingar:
