Jessie Ro Richardson er 53 ára einstæð móðir. Hún hefur unnið í klámbransanum í þrettán ár og heldur úti OnlyFans-síðu.

OnlyFans er miðill sem gerir notendum kleift að selja efni  til áskrifenda gegn mánaðarlegu gjaldi. Klámstjörnur eru vinsælar á miðlinum en einnig áhrifavaldar sem selja djarfar myndir af sér. Aðdáendur geta einnig sent notendum skilaboð og beðið um myndefni gegn gjaldi.

Jessie á 21 árs gamla dóttur, Achante. Þegar Achante átti erfitt með að finna vinnu hvatti Jessie hana til að byrja að framleiða klámfengið efni á netinu með sér.

Í samtali við tímaritið Closer segir Jessie að Achante hafi verið „mjög spennt“ þegar hún stakk upp á að þær yrðu að öflugu tvíeyki á OnlyFans. Mæðgurnar græða allt að 350 þúsund krónur á viku fyrir nokkurra klukkustunda vinnu.

Þær segja að kærastar þeirra „styðja okkur heilshugar“ og einnig vinir þeirra og fjölskylda. Þær halda því fram að þær hafi aldrei fengið neikvæð viðbrögð við samstarfinu.

Achante viðurkennir að hún hafi verið taugaóstyrk til að byrja með en með hjálp móður sinnar jókst sjálfstraust hennar. Hún segir móður sína hafa kennt henni að afklæðast á tælandi máta og hvernig hún ætti að sýna bestu eiginleika sína.“

„Fólki finnst þetta kannski skrýtið en við höfum alltaf verið mjög nánar. Og hún er mamma mín, af hverju ætti mér að finnast það óeðliegt að hún sjái mig bera?“ Sagði Achante við Closer.

„Mamma benti á að ég væri hvort eð er alltaf að taka sjálfsmyndir af mér í klæðalitlum fatnaði svo ég gæti þess vegan alveg eins grætt eitthvað á því. Og hún hafði rétt fyrir sér! Ég elska þetta.“

Achante útskrifaðist úr háskóla með gráðu í grafískri hönnun fyrir þremur árum. Hún segist hafa sótt um „mörg hundruð“ störf án árangurs. Þegar kórónuveirufaraldurinn skall á varð atvinnuleitin enn erfiðari. Þegar hún deildi raunum sínum með móður sinni, kom móðir hennar með þá uppástungu að týndu af sér spjarirnar fyrir framan myndavél og selja svo myndefnið á OnlyFans.

Mæðgurnar hafa sett sér nokkrar reglur, eða mörk sem þær ganga ekki yfir.  Til að mynda snerta þær ekki hvor aðra og þvertaka fyrir að kyssast þrátt fyrir að aðdáendur biðji þær um það.

„Ég sé móður mína í alls konar stellingum, en ég þarf ekki að sjá allt,“ segir Achante og bætir við að hún sé stolt af móður sinni.