Sjónvarpsstjarnan Sigrún Ósk Kristjánsdóttir og fyrrverandi landsliðsþjálfarinn Jón Þór Hauksson eiga von á dreng.
Sigrún Ósk greindi frá gleðifregnunum á Facebook fyrir skemmstu. Fyrir eiga hjónin tvo syni.
„Þið sem hélduð að við Jón Þór værum bara á leið í golfklúbb og að fá okkur hund getið gleymt því! Fimmti fjölskyldumeðlimurinn er væntanlegur í heiminn og okkar menn urðu dauðfegnir í gær að þurfa ekki að læra að fara í Barbie,“ skrifar Sigrún Ósk.
Sigrún Ósk er kunnug flestum landsmönnum og hefur unnið við fjölmiðla síðastliðin 22 ár. Hún sló í gegn með þættina „Leitin að upprunanum“ á Stöð 2.
Jón Þór sagði starfi sínu lausu sem þjálfari íslenska kvennalandsliðsins í knattspyrnu í desember eftir atvik í Ungverjalandi.
Sjá einnig: Sigrún rifjar upp þegar hún þurfti að halda við móður sem grét svo mikið: „Þetta rífur í, það gerir það“
Fókus óskar fjölskyldunni innilega til hamingju.
