Fjöllistakonan Ellý Ármannsdóttir og hennar heittelskaði, Hlynur Jakobsson, ganga í það heilaga næsta sumar, nánar tiltekið 13. júní og er nú þegar búið að bjóða rúmlega hundrað manns í veisluna.

Ellý er byrjuð að huga að klæðnaði á stóra daginn eins og hún segir frá á Instagram-síðu sinni.

„Ég er að máta alls konar brúðarkjóla og er ekki búin að ákveða neitt en eitt veit ég og það er að ég verð klædd í hreina og tæra hamingjuorku sem umvefur mig og ástina mína @hlynursolvi alla daga alltaf og já þægilega strigaskó,“ skrifar Ellý við mynd af sér í brúðarkjól. „Allt annað er aukaatriði.“

https://www.instagram.com/p/B8dt4bwA5FM/

Hvort kjóllinn sem Ellý klæðist á myndinni sé fyrirheit um það sem koma skal er óvíst en eitt er víst – hamingjan geislar af þeim Ellý og Hlyn í aðdraganda brúðkaupsins.