Garngangan 2019 – hátíð handavinnufólks – fer fram á höfuðborgarsvæðinu laugardaginn 7. september. Þetta er í þriðja sinn sem hátíðin er haldin og fer hún stækkandi með ári hverju.
Garngangan er samstarfsverkefni nokkurra handverkskvenna sem bjóða verslunum að sameinast í skemmtilegum hátíðardegi handverksfólks. Í ár eru níu verslanir sem taka þátt í göngunni og er sérstök dagskrá og ýmis tilboð í gangi hjá þeim öllum á meðan gangan stendur yfir, sem er milli klukkan 10 og 16 næstkomandi laugardag.
Amma Mús – Grensásvegi 46
Handprjón – Reykjavíkurvegi 64
Föndra – Dalvegi 18
Handverkskúnst – Hraunbæ 102a (ath breytt aðsetur)
Litla Prjónabúðin – Faxafeni 9
Handprjónasambandið – Borgartúni 31
Storkurinn – Síðumúla 20
Gallerý Spuni – Engihjalla 8
Garnbúð Eddu – Strandgötu 39 (ath breytt aðsetur)
Í hverri verslun verða viðburðir og uppákomur, tilboð og pop-up verslanir, sem verður ítarlegar kynnt þegar nær dregur. Einnig verður stimpilleikurinn okkar góði endurtekinn – þá er um að gera að safna stimplum úr öllum verslunum á spjald, sem hægt er að nálgast í öllum verslununum og skila inn við síðasta stimpil. Dregnir verða veglegir vinningar úr fullstimpluðum kortum sem skilað verður inn.
Húfusamprjónið er í fullum gangi, en efnt var til samkeppni um Garngönguhúfuna 2019 og er uppskriftin komin út og hér er facebookhópur þar sem nálgast má uppskrift og taka þátt í samprjóninu: https://www.facebook.com/groups/291911464917640/?ref=group_heade
Hugmyndin er að hannyrðafólk þræði þær verslanir sem taka þátt, fái stimpil í sérstakt stimpilkort sem liggur frammi í þeim öllum, og þau sem ná að fylla stimpilkortið skila því inn í síðustu versluninni og geta átt von á veglegum vinningum.
Fyrirmyndin að Garngöngunni er það sem á ensku kallast Yarn Crawl og eru viðburðir sem haldnir eru víða um heim á ári hverju, til að mynda í London og New York, en markmiðið var að skapa sérstakan hátíðardag handaverksfólks og hvetja það til að versla frekar við litlu sérverslanirnar en stórmarkaðina.
Í fyrra var ákveðið að hita upp fyrir Garngönguna með samkeppni um prjónahúfu – Garngönguhúfuna – og var þessi samkeppni haldin aftur í sumar. Höfundar sigurhúfunnar í ár eru Ása Hildur Guðjónsdóttir og Kristín Friðrika Svavarsdóttir og er uppskrift af húfunni aðgengileg inni á Ravelry, https://www.ravelry.com/patterns/library/garngonguhufan-2019—yarn-crawl-hat-2019. Keppnin er kjörið tækifæri fyrir hönnuði að koma sér á framfæri. Í fyrra var margt handverksfólk sem mætti með húfurnar sínar og var ótrúlega gaman að sjá alls konar útfærslur hjá hverjum prjónara fyrir sig á húfunum. Við vonumst eftir því sama í ár.
Venju samkvæmt ríkir leynd yfir þeim sértilboðum og viðburðum sem verða í hverri verslun þar til daginn áður, en eftir klukkan 18:00 á föstudagskvöldið verður þetta allt gert opinbert, bæði á samfélagsmiðlum á vegum Garngöngunnar sem og verslananna sjálfra.
Öll tilboð verða birt eftir kl. 18 föstudaginn 6. september en fram að því ríkir alger leynd yfir þeim.
