Leikkonan Sandra Oh lék lækninn Cristinu Yang í tíu þáttaröðum af Grey‘s Anatomy og var ein vinsælasta persónan í þáttunum áður en hún hætti. Nú fer hún með aðalhlutverkið í þáttunum Killing Eve, en önnur þáttaröð var frumsýnd síðastliðinn mánudag. Af því tilefni útskýrði hún í viðtali á sjónvarpsstöðinni Extra af hverju hún ætlar ekki að snúa aftur í Grey‘s Anatomy.
„Þið eruð alltaf að spyrja mig að þessu,“ sagði Cristina á frumsýningunni. „Ég verð bara að segja að ég er komin á annan stað, sköpunarlega séð. Ég veit og kann að meta að ég finn frá aðdáendum hvað þeir elska Cristinu mikið og vilja að Cristina komi aftur en Killing Eve er mitt heimili núna.“
Cristina lék í Grey‘s Anatomy á árunum 2005 til 2014 og segist vona að Killing Eve haldi áfram um ókomna tíð.
„Ég er Eve og mig langar að vera þar eins lengi og mín er þörf.“
https://www.youtube.com/watch?v=TLq2BDkCzyA