Facebook-síða hljómsveitarinnar Valdimar var hökkuð. Hljómsveitin greinir frá því á nýrri Facebook-síðu, @valdimarofficial.
„Hæ! Gaman að sjá ykkur aftur. Við neyddumst nefnilega til að taka smá frí frá fésbókinni þar sem við vorum hakkaðir. Við reyndum eins og við gátum að fá síðuna okkar aftur en allt kom fyrir ekki. Hér er því ný síða, endilega sýnið öllum vinum ykkar. Það er nóg framundan hjá okkur og við munum láta ykkur vita af öllum komandi tónleikum og viðburðum hér.“
870 manns hafa þegar líkað við nýju síðuna þegar þessi grein er skrifuð, og fjölgar ört í hópnum.
