Hin ljúfa Svava Gunnarsdóttir er gengin út, en Svava heldur úti hinu vinsæla matarbloggi Ljúfmeti og lekkerheit, auk þess að starfa á lögmannsstofunni LEX.

Hinn heppni er Hermann Guðmundsson forstjóri og einn eigenda heildsölufyrirtækisins Kemi, auk þess sem hann situr í stjórnum nokkurra einkahlutafélaga. Hermann hefur komið víða við í viðskiptalífinu, hann var forstjóri N1 á árunum 2006-2012 og hefur meðal annars setið í stjórnum Samtaka atvinnulífsins, Samtaka verslunar og þjónustu, Klaks hf. og Rannsóknarseturs verslunarinnar. Hann var viðskiptafélagi Bjarna Benediktssonar, núverandi fjármálaráðherra, og fjölskyldu hans um árabil og til dæmis lykilmaður í kaupum Engeyinga og fleiri fjárfesta á Olíufélaginu árið 2006 sem síðar fékk nafnið N1.

Svava hóf störf á LEX árið 2006 sem aðstoðarmaður lögmanna, en hún er mannfræðingur og félagsfræðingur að mennt.

Svava stofnaði bloggið heima í stofusófanum sumarið 2012 og segir hún á heimasíðu sinni að það hafi stækkað hraðar hana hefði nokkurn tímann órað fyrir. „Mig hefði aldrei grunað hvað bloggið ætti eftir að veita mér mikla gleði og verða stór hluti af lífi mínu.“

Svava var áður með tónlistarmanninum Örlygi Smára og eiga þau saman þrjú börn.