„Jólin okkar“ er yfirskrift jólatónleika Hinsegin kórsins, sem heldur jólatónleika í Gamla bíói annað kvöld.

Þar mun kórinn flytja jólalögin sem ekki eru hefðbundin heldur miklu frekar hinsegin. Kórinn kryddar tónleikadagskrána með tónlist úr brúðkaupi Megan og Harry Bretaprins og smellum frá Stevie Wonder og George Michael. Til þess að gera tónleikana ógleymanlega fær kórinn Jóhönnu Vigdísi Arnardóttur/Hönsu til liðs við sig.

Hinsegin kórinn og Hansa verða ekki ein á sviðinu á miðvikudaginn því þar leika með kórnum Vignir Þór Stefánsson píanóleikari, Þorgrímur Jónsson kontrabassaleikari og Ólafur Hólm Einarsson trommuleikari. Og svo skýtur leynigestur upp kollinum.

Enn eru nokkrir miðar lausir á tónleikana en þá má fá á Tix.is.