Dagur 2 – tiltekt

Sama hver þú ert eða á hvaða aldri – þá get ég nánast fullyrt að sú skúffa sem þú opnar oftast á hverjum degi er hnífaparaskúffan. Ég er með nokkrar spurningar til þín:

• Opnast skúffan léttilega?
• Þegar þú opnar skúffuna, er skýrt hvar hnífar, gafflar og skeiðar eru?
• Er allt á sínum stað og auðvelt að finna það sem er í skúffunni?
• Myndi þér líða vel ef Vigdís Finnboga myndi koma í heimsókn og opna skúffuna til að ná sér í teskeið?

Ef þú svarar einni eða fleirum af þessum spurningum neitandi þá mun verkefni dagsins slá í gegn

Verkefni dagsins

Opnaðu hnífaparaskúffuna. Taktu allt upp úr henni og settu það á bekkinn. Taktu þér tusku og þrífðu innan úr henni. Raðaðu svo aftur ofan í skúffuna, því sem þú ert vön/vanur að nota og því sem þú þarft. Settu afganginn í til dæmis box og settu það til hliðar. Kannski sérðu eitthvað sem þú vilt henda – hver veit?

Sniðugt að taka fyrir og eftir mynd. Um að gera að pósta henni á Instagram undir #sjödagatiltekt