Guðrún Hafsteinsdóttir, þingmaður og formaður Sjálfstæðisflokksins segist hlakka til næsta þingvetrar. Núna þegar fallegasti og mest heillandi árstími landsins stendur yfir óskar hún landsmönnum gleðilegs sumar og hlakka til að eiga samtal við landsmenn. 

Segir hún þinglokin staðfesta fórn ríkisstjórnarinnar:

„Þinglokin staðfesta að ríkisstjórnin lagði allt undir fyrir veiðigjaldið og fórnaði í leiðinni nánast öllum öðrum málum sínum. En við í Sjálfstæðisflokknum náðum mikilvægum áfanga með breytingartillögu okkar um Jöfnunarsjóð sveitarfélaga sem kemur í veg fyrir skattahækkun á rúmlega 90 þúsund manns. Það eitt sýnir hversu mikilvægt er að hafa sterka stjórnarandstöðu sem stendur vörð um fólkið í landinu.

Þessi tilraun ríkisstjórnarinnar til að hækka skatta er aðeins forsmekkurinn. Við vitum hvert þau stefna, en við ætlum ekki að sitja hjá. Við stöndum með heimilum, fyrirtækjum og sjálfstæðu atvinnulífi.“

Guðrún segir Kristrúnu Frostadóttur vera fyrsta forsætisráðherrann í 66 ár til að beita 71. greini þingskaparlaga. 

„Ekki vegna neyðarástands, heldur til að þröngva í gegn skattahækkun. Það var ekkert annað en valdbeiting sem sýnir ekki styrk, heldur veikleika.“

Guðrún segir sinn flokk halda áfram með skýra sýn:

„Næsti þingvetur verður tími nýrrar baráttu og Sjálfstæðisflokkurinn er tilbúinn að leiða hana af ábyrgð og festu. Við ætlum að leggja áherslu á að bæta hag heimilanna, styðja við verðmætasköpun og sterkt atvinnulíf, og standa vörð um fullveldið. 

Sjálfstæðisflokkurinn mun áfram standa vörð um hagsmuni þjóðarinnar. Sterkur Sjálfstæðisflokkur skiptir sköpum.“