fbpx
Sunnudagur 21.júlí 2024
Eyjan

„Jón fékk sem sagt leyfi til að hrauna yfir VG og Bjarkeyju“

Eyjan
Fimmtudaginn 20. júní 2024 19:21

Ekki missa af Helstu tíðindum dagsins í pósthólfið þitt

Lesa nánar

Vantrauststillaga Miðflokksins gegn Bjarkeyju Olsen Gunnarsdóttur, matvælaráðherra, var felld á Alþingi í dag. Það sem vakti þó sérstaka eftirtekt er að Jón Gunnarsson, þingmaður Sjálfstæðisflokksins, sat hjá í málinu.

Málið með rekja til þess hversu langan tíma Bjarkey tók til að gefa út leyfi til hvalveiða, það þrátt fyrir að forveri hennar, Svandís Svavarsdóttir, hafi hrökklast úr embætti eftir að banna veiðarnar í fyrra. Leyfið í ár var veitt svo seint að ljóst var að ekkert yrði að veiðum í ár.

Jón Gunnarsson gerði grein fyrir afstöðu sinni í ræðu þar sem hann sagði framkomu Bjarkeyjar fordómalausa og sakaði hana um að fórna hagsmunum alþýðunnar í landinu, starfsfólks og fyrirtækja á „altari málstaðar sem engar forsendur eru fyrir“. Jón sakaði Bjarkeyju um blekkingar. Hún hafi dregið lappirnar viljandi með að gefa út leyfi til hvalveiða með tilheyrandi tjóni fyrir starfsgreinina. Þetta hafi hún gert þrátt fyrir að ákvörðun forvera hennar hafi verið ólögmæt.

Það væri eðlileg krafa að Bjarkey segi af sér embætti þar sem ábyrgðin á stöðu hvalveiða liggi hjá henni og hennar þingflokki, flokki sem eigi kannski takmarkað erindi hreinlega á Alþingi.

Jón sagði „Virðulegur forseti. Það eru viðsjárverðir tímar í íslenskri pólitík og ábyrgðarhluti að rjúfa ríkisstjórn Bjarna Benediktssonar forsætisráðherra á þessum degi. Ég treysti forsætisráðherra og mörgum ráðherrum ríkisstjórnarinnar og ég greiði því ekki atkvæði.“

Hljóti að hafa fengið leyfi til að hrauna

Oddný G. Harðardóttir, þingmaður Samfylkingarinnar, segir að þessi afstaða Jóns hljóti að hafa afleiðingar. Telur hún ljóst að þegar þingmaður flokks í meirihluta talar af viðlíkri heift til ráðherra í eigin ríkisstjórn þá hljóti hann fyrst að hafa fengið heimild til þess hjá eigin þingflokk. Oddný skrifar á Facebook:

„Jón Gunnarsson stjórnarþingmaður og fyrrverandi ráðherra hafði uppi stór orð um VG á Alþingi í dag.

Hann sagði að samstarfsflokkurinn VG ætti ekkert erindi á þing, flokkurinn stundi blekkingarleiki, misbeiti valdi sínu og að ráðherrarnir sem hafi fengið á sig dóma sitji í skjóli þingflokks í stað þess að víkja.

Ég trúi ekki öðru en að þessi orð Jóns Gunnarssonar hafi afleiðingar.

Hann talaði í umræðunum fyrir hönd þingflokks Sjálfstæðisflokksins. Hinn talsmaðurinn var forsætisráðherra. Jón fékk sem sagt leyfi til að hrauna yfir VG og Bjarkeyju.

Einhverjir hafa undrast á því að Samfylkingin hafi greitt atkvæði með vantrausti. Ráðherrar starfa ekki með stuðningi stjórnarandstöðunnar. Þeir starfa með stuðningi stjórnarflokkanna. En það eru ekki allir stjórnarflokkarnir með í liðinu. Það koma svo berlega í ljós í dag.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Flugfélög: Icelandair stundvísast allra stærri flugfélaga í Evrópu

Flugfélög: Icelandair stundvísast allra stærri flugfélaga í Evrópu
Eyjan
Fyrir 6 dögum

Forsætisráðherra Grænlands heimsótti íslensku gullvinnsluna

Forsætisráðherra Grænlands heimsótti íslensku gullvinnsluna
Eyjan
Fyrir 1 viku

Lífskjör: Kaupmáttur á Íslandi mun minni en hjá nágrannaþjóðum – þriðjungi meiri í Færeyjum

Lífskjör: Kaupmáttur á Íslandi mun minni en hjá nágrannaþjóðum – þriðjungi meiri í Færeyjum
Eyjan
Fyrir 1 viku

Guðlaugur Þór hefur miklar efasemdir um fyrirhugaða þéttingu byggðar í Grafarvogi

Guðlaugur Þór hefur miklar efasemdir um fyrirhugaða þéttingu byggðar í Grafarvogi
Eyjan
Fyrir 1 viku

Ólafur Stephensen: Samkeppnisyfirvöldum kippt út – eins og dómarinn sé tekinn út af og annað liðið ráði reglunum

Ólafur Stephensen: Samkeppnisyfirvöldum kippt út – eins og dómarinn sé tekinn út af og annað liðið ráði reglunum
Eyjan
Fyrir 1 viku

Brynjar liggur undir feldi og íhugar vistaskipti – „Orðið flak lýsir best líðan minni núna“

Brynjar liggur undir feldi og íhugar vistaskipti – „Orðið flak lýsir best líðan minni núna“