Orðið á götunni er að við blasi að nýr matvælaráðherra hafi þurft að gangast undir þá þungbæru kvöð að hvalveiðar verði leyfðar, annars fengi hún ekki ráðherrasæti við ríkisstjórnarborðið. Þetta hafi verið skýr forsenda samstarfsflokka VG í stjórnarmyndunarviðræðum undanfarna daga.

Fyrir liggur að þetta hafi tekið í innan VG þar sem að í stefnu þeirra kemur skýrt fram að flokkurinn sé alfarið á móti hvalveiðum og vilji banna þær.

Þegar Kristján Þór Júlíusson, þáverandi sjávarútvegsráðherra, leyfði hvalveiðar í fimm ár árið 2019, var Bjarkey Olsen Gunnarsdóttir alfarið á móti og sparaði ekki stóru orðin: „Ef ekki er markaður fyrir kjötið er efnahagslegur ávinningur enginn.“

Enn hefur markaður fyrir hvalaafurðir ekki fundist.

Orðið á götunni er að öllu sé fórnandi fyrir ráðherrastól, ráðherrabíl, ráðherrabílstjóra og ráðherralaun.