fbpx
Þriðjudagur 16.apríl 2024
Eyjan

Grátbáðu Diljá Mist um áframhaldandi stuðning

Ritstjórn Eyjunnar
Fimmtudaginn 29. febrúar 2024 13:30

Diljá Mist - Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Í grein í Morgunblaðinu í dag greinir Diljá Mist Einarsdóttir formaður utanríkismálanefndar Alþingis frá ferð sinni til Úkraínu ásamt formönnum utanríkismálanefnda þinga ýmissa Evrópurríkja og Kanada. Hún segir meðal annnars að formennirnir hafi verið grátbeðnir um áframhaldandi stuðning við Úkraínu í vörn þeirra gegn árásarstríði Rússa.

Hún segir að í heimsókninni hafi þau formennirnir verið minnt á að stríðið hafi ekki byrjað fyrir tveimur árum:

„Úkraínumenn voru duglegir að minna okkur gestina á að þeir hefðu verið tíu ár í stríði, enda hefði Rússland ráðist inn í og hernumið land í Úkraínu árið 2014. Við funduðum með þingmönnum, embættismönnum og ráðherrum og tókum þátt í tilfinningaþrunginni athöfn í úkraínska þinginu vegna tímamótanna. Þar var ekki annað hægt en að tárast með úkraínskum kollegum.“

Hún segir að þau formennirnir hafi hitt samtök sem berjist fyrir því að endurheimta úkraínsk börn sem numin hafi verið á brott til Rússlands og heilaþvegin til að afmá úkraínskan uppruna þeirra:

„Slíkar aðferðir eru vel þekktar frá tímum Sovétríkjanna – Rússar hafa engu gleymt við myrkraverkin.“

Þökkuðu fyrir og grátbáðu um áframhaldandi stuðning

Hún segir að hópurinn hafi heimsótt endurhæfingarmiðstöð fyrir úkraínska hermenn:

„Heimsóknin hafði djúpstæð áhrif á hópinn, en við heilsuðum upp á hermenn sem voru alvarlega brenndir, vitsmunaskertir vegna höfuðáverka og sem höfðu misst ýmsa útlimi. Þeir voru komnir mislangt í bataferlinu og einhverjir báðust undan samtali og voru augljóslega í áfalli. Aðrir höfðu endurheimt styrk og baráttuþrek og göntuðust við hópinn. Úkraínskur andi er sannarlega einstakt fyrirbrigði.“

Diljá Mist segir að skilaboð allra Úkraínumanna sem þingmannahópurinn hafi hitt í ferðinni hafi verið einróma einu hafi gilt hvort um hafi verið að ræða þingmenn, ráðherra, embættismenn, fólk sem bjargað hefur börnum frá Rússum, hermenn sem hafi særst eða fólk sem misst hefur fjölskyldumeðlimi, vini og heimili:

„Takk fyrir að styðja við og gefast ekki upp á baráttu lýðræðisríkis fyrir grunnstoðum þess. Fyrir réttinum til að velja og haga sínum eigin örlögum. Við vorum grátbeðin um að halda stuðningnum áfram svo Úkraínumenn gætu varist þessum sameiginlega ógnvaldi við heimsmynd okkar.“

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum
Eyjan
Fyrir 3 dögum

Skipta út bankaráði Landsbankans í heild sinni eftir TM-hneykslið

Skipta út bankaráði Landsbankans í heild sinni eftir TM-hneykslið
Eyjan
Fyrir 5 dögum

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir
Eyjan
Fyrir 5 dögum

Bjarkey ráðherra í fyrsta skipti

Bjarkey ráðherra í fyrsta skipti