Peningastefnunefnd Seðlabanka Íslands hækkaði stýrivexti um eitt prósent í morgun. Þetta er tólfta stýrivaxtahækkun bankans frá því í maí 2021.
Eru því stýrivextir komnir í 7,5 prósent, en þeir voru 0,75 prósent í maí 2021, þegar núverandi vaxtahækkunarferli hófst. Hafa þeir tífaldast á tímabilinu, segir Fréttablaðið.
Greiningaraðilar höfðu spáð 0,75 prósent hækkun og er því hækkunin meiri en spáð var.
„Næsti vaxtákvörðunardagur Seðlabanka Íslands er í maí og er búist við að vextir verði þá hækkaðir enn á ný en að sú hækkun verði minni en sú sem tilkynnt var í morgun og vonast er til að það verði síðasta vaxtahækkunin í bili,“ segir Fréttablaðið.