Viðræður ríkjanna stóðu yfir í um tvö ár en lauk loksins formlega á föstudaginn í Peking þegar fulltrúar þeirra undirrituðu samning um að taka upp stjórnmálasamband á nýjan leik.
CNN segir að á þeim tveimur árum sem viðræðurnar stóðu yfir hafi stundum virst sem samningamenn drægju lappirnar og að svo væri sem útilokað væri að brúa gjána á milli ríkjanna.
Viðræðurnar áttu sér staða á sama tíma og Íran og Bandaríkin reyndu að endurlífga samning frá 2016 um kjarnorkumál Íran. Lengi vel var talið að niðurstæður beggja viðræðnanna tengdust sterklega því Sádi-Arabar og Bandaríkjamenn hafa lengi gengið í takt þegar kemur að stefnunni í utanríkismálum.
En breyting er að verða þar á að sögn CNN sem bendir á að samband Sádi-Arabíu við Bandaríkin hafi stirðnað á síðustu árum á sama tíma og Kínverjar hafa styrkt stöðu sína í heimshlutanum. Kínverjar hafi sýnt að þeir geti miðlað málum á milli margra fjandríkja í Miðausturlöndum og hafi komið upp góðum diplómatískum tengslum við ríki í heimshlutanum. Þetta hafi þau gert á grunni efnahagslegra tengsla án þess að messa yfir ríkjunum um mannréttindamál eins og Vesturlönd gera.
Samningur Íran og Sádi-Arabíu bindur hugsanlega enda á blóðugt tímabil í Miðausturlöndum. Ríkin hafa verið svarnir óvinir síðan klerkastjórnin tók við völdum í Íran 1979.
