fbpx
Þriðjudagur 05.desember 2023
Eyjan

Ellert Eiríksson er látinn

Eyjan
Fimmtudaginn 16. nóvember 2023 07:24

Ekki missa af Helstu tíðindum dagsins í pósthólfið þitt

Lesa nánar

Ellert Eiríksson, fyrrverandi bæjarstjóri í Reykjanesbæ, er látinn 85 ára að aldri. Ellert lést á Heilbrigðisstofnun Suðurnesja þann 12. nóvember síðastliðinn.

Greint er frá andláti hans í Morgunblaðinu í dag.

Ellert fæddist 1. maí 1938 á Járngerðarstöðum í Grindavík. Hann var ungur að árum þegar hann fékk áhuga á stjórnmálum og var hann til að mynda aðeins 12 ára gamall þegar hann gekk til liðs við Sjálfstæðisflokkinn.

Á árunum 1987 til 1990 tók hann í nokkur skipti sæti á Alþingi sem varaþingmaður Sjálfstæðisflokksins. Hann var sveitarstjóri í Gerðahreppi frá 1982 til 1990 og bæjarstjóri í Keflavík frá 1990 til 1994. Hann varð svo fyrsti bæjarstjóri sameinaðs sveitarfélags Keflavíkur, Njarðvíkur og Hafna sem fékk nafnið Reykjanesbær og gegndi hann því starfi til ársins 2002.

Útför Ellerts fer fram frá Keflavíkurkirkju næstkomandi fimmtudag, 23. nóvember, klukkan 13.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt