fbpx
Miðvikudagur 06.júlí 2022
Eyjan

Fletti Björn Ingi ofan af leyndarmáli Eyþórs í Silfrinu í gær?

Ritstjórn DV
Mánudaginn 24. janúar 2022 14:00

mynd/Skjáskot ruv.is

Ekki missa af Helstu tíðindum dagsins í pósthólfið þitt

Lesa nánar

Björn Ingi Hrafnsson, ritstjóri Viljans, segir Eyþór Arnalds hafa hætt vegna þess að kannanir sýndu sterkari stöðu Hildar Björnsdóttur innan Sjálfstæðisflokksins en fólk hafði gert sér grein fyrir. Þetta kom fram í Silfrinu í gærmorgun.

Gestir Egils Helgasonar þáttastjórnanda í Silfri gærdagsins voru þau Björn Þorláksson, blaðamaður á Fréttablaðinu, Friðjón Friðjónsson, varaþingmaður Sjálfstæðisflokksins, Karen Kjartansdóttir, ráðgjafi og fyrrum framkvæmdastjóri Samfylkingarinnar, og Björn Ingi Hrafnsson fjölmiðlamaður.

Eftir kröftuga umræðu um handboltaleik helgarinnar barst talið að sveitarstjórnarmálum og þá helst þeirri sérstöku stöðu hjá Sjálfstæðismönnum í borginni. Hildur Björnsdóttir, sem í dag vermir annað sætið á lista flokksins tilkynnti í nóvember að hún myndi sækjast eftir oddvitasætinu. Áður hafði Eyþór Arnalds, sitjandi oddviti, sagst myndi sækjast eftir áframhaldandi oddvidastöðu. Svo fór þó að lokum að Eyþór tilkynnti í desember, öllum að óvörum, að hann myndi ekki sækjast eftir stöðunni og ætlaði að hætta í stjórnmálum að þessu kjörtímabili loknu.

Björn Þorláksson benti þá á að beðið væri eftir mótframbjóðenda fyrir Hildi, en sú saga hefur gengið fjöllum hærra að leitað sé logandi ljósi að mótframboði, en leitarmenn ekki haft erindi sem erfiði. Friðjón Friðjónsson tók undir með Birni: „Það mun klárlega einhver gefa kost á sér í fyrsta sætið, verði almennt prófkjör,“ sagði hann. „Og það er alltaf einhver með meiri metnað en vit,“ bætti hann svo við og uppskar hlátur við borðið.

Brotthvarf Eyþórs olli mörgum heilabrotum, og töldu margir að eitthvað annað lægi undir en uppgefnar ástæður Eyþórs. Þegar Egill beindi spurningu um hvers vegna Eyþór hafi hætt að Birni Inga lá ekki á svörum: „Hann ber fyrir sig persónulegum ástæðum, en ég held að honum hafi verið ljóst, eins og mörgum öðrum, að þú ert bara nýtt andlit einu sinni og hann var það ekki einu sinni fyrir fjórum árum. Ég held að það hafi verið gerðar mælingar sem sýndu mikinn styrk Hildar gegn honum,“ sagði Björn Ingi.

Björn sagði gengi Hildar jafnframt athyglisvert. „Hildur fer á tólf dögum úr því að vera underdog, eða áskorandinn, og yfir í þá stöðu að menn eru að velta því fyrir sér hvort að einhver muni bjóða sig fram gegn henni. Það er mjög áhugaverð staða, og hún hefur náð að stimpla sig rækilega inn með því.“

Þáttinn má sjá í heild sinni hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Björn Jón skrifar – Tímamótasamningur fyrir hálfri öld

Björn Jón skrifar – Tímamótasamningur fyrir hálfri öld
Eyjan
Fyrir 1 viku

„Af hverju í ó­sköpunum er ekki ráðist að rót vandans?“ spyr Sigmundur Ernir

„Af hverju í ó­sköpunum er ekki ráðist að rót vandans?“ spyr Sigmundur Ernir
Eyjan
Fyrir 2 vikum

Talið öruggt að Kristrún bjóði sig fram til forystu hjá Samfylkingunni

Talið öruggt að Kristrún bjóði sig fram til forystu hjá Samfylkingunni
Eyjan
Fyrir 2 vikum

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“
Eyjan
Fyrir 2 vikum

Bændasamtökin telja sig vita lausnina á vanda Úkraínu – Tilbúin að veita aðstoð í málinu

Bændasamtökin telja sig vita lausnina á vanda Úkraínu – Tilbúin að veita aðstoð í málinu
Eyjan
Fyrir 2 vikum

Meirihlutinn telur hvalveiðar skaða orðspor landsins

Meirihlutinn telur hvalveiðar skaða orðspor landsins