fbpx
Föstudagur 15.október 2021
Eyjan

Mogginn varar við vinstri stjórn – Segir það muni hafa alvarlegar afleiðingar á hag Íslendinga

Ritstjórn DV
Þriðjudaginn 21. september 2021 09:34

Ekki missa af Helstu tíðindum dagsins í pósthólfið þitt

Lesa nánar

Ritstjórn Morgunblaðsins virðist óttast nokkuð vinstristjórn ef marka má Staksteina dagsins. Þar varar Morgunblaðið við mögulegri vinstri stjórn og bendir landsmönnum á að slík stjórn gæti haft alvarlegar afleiðingar á hag þjóðarinnar.

„Hlutabréfamarkaðurinn íslenski tók nokkuð skarpa dýfu í gærmorgun, fyrsta dag viðskipta eftir að Morgunblaðið birti skoðanakönnun þar sem vinstrisveifla var greinileg og ríkisstjórnin hafði misst meirihluta sinn,“ svona hefjast Staksteinar. Þar er bent á að dýfuna megi að hluta rekja til áhrifa frá erlendum mörkuðum, en þó ekki að öllu.

„Lækkunin er þó mun meiri hér en á mörkuðum nágrannalandanna og erfitt að verjast þeirri hugsun að fjárfestar óttist vinstristjórn.“

Morgunblaðið lætur ekki þar við sitja heldur segir að íslenski markaðurinn hafi fengið að finna fyrir því megnið af liðnum mánuði að möguleiki sé fyrir hendi á vinstri stjórn.

„Raunar hefur glitt í vinstristjórn fyrr og segja má að megnið af þessum mánuði hafi íslenski markaðurinn lækkað umtalsvert og verður óvissa vegna kosninganna að teljast líkleg skýring.“

Morgunblaðið segir þetta vel skiljanlegt þar sem það sé fyrirséð að ef vinstri flokkar nái saman og myndi ríkisstjórn þá séu það slæm tíðindi fyrir ríkissjóð og almenning.

„Þetta er skiljanlegt því að augljóst má vera að nái vinstriflokkarnir saman um stjórnarmyndun verði afleiðingarnar meiri lausatök í ríkisfjármálum, aukin skuldasöfnun og aukin skattheimta.“

Eins telur Morgunblaðið það fyrir séð að Seðlabankinn neyðist til að hækka vexti komi til vinstri stjórnar.

„Seðlabankinn hefur gefið það skýrt til kynna að aukin lausatök í fjármálum ríkisins muni ýta undir vaxtahækkanir, enda væru þau viðbrögð óhjákvæmileg.

Annað sem óhjákvæmilega mundi fylgja slíkri stefnubreytingu er versnandi fjárhagsleg staða almennings, bæði vegna hærri skatta og hærri vaxta.“

Mogginn bendir á að valið sé hjá þjóðinni – en velji hún sér vinstri stjórn þá sé eins gott að þeir geri sér grein fyrir afleiðingunum.

„Kjósendur eiga valið eins og vera ber, en mikilvægt er að þeir geri sér grein fyrir að valið mun hafa afleiðingar.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Lenya Rún hjólar í þingmann Samfylkingarinnar: „Er það svona sem Jóhann Páll ætlar að byrja baráttu gegn spillingu og óheiðarleika á þingi?“

Lenya Rún hjólar í þingmann Samfylkingarinnar: „Er það svona sem Jóhann Páll ætlar að byrja baráttu gegn spillingu og óheiðarleika á þingi?“
Eyjan
Fyrir 4 dögum

Gísli fer úr tækni yfir í brauðið

Gísli fer úr tækni yfir í brauðið
Eyjan
Fyrir 5 dögum

Hversu vel þekkir þú fólkið með völdin í borginni ? – Taktu stóra borgarfulltrúaprófið til að komast að því

Hversu vel þekkir þú fólkið með völdin í borginni ? – Taktu stóra borgarfulltrúaprófið til að komast að því
Eyjan
Fyrir 6 dögum

Allt logar útaf vistaskiptum Birgis – „Þetta hlýtur að vera einhvers konar Íslandsmet í svikum við kjósendur“

Allt logar útaf vistaskiptum Birgis – „Þetta hlýtur að vera einhvers konar Íslandsmet í svikum við kjósendur“
Eyjan
Fyrir 1 viku

Ísland stendur ekki við skuldbindingar sínar í loftslagsmálum

Ísland stendur ekki við skuldbindingar sínar í loftslagsmálum
Eyjan
Fyrir 1 viku

„Fólk vill helst hittast einhvers staðar í bílakjallara þar sem enginn getur rakið ferðir þess“

„Fólk vill helst hittast einhvers staðar í bílakjallara þar sem enginn getur rakið ferðir þess“