fbpx
Fimmtudagur 24.júní 2021
Eyjan

Nýyrði – Guðmundur Andri er með sérstakt orð yfir afsökunarbeiðni Samherja

Ágúst Borgþór Sverrisson
Sunnudaginn 30. maí 2021 18:02

Guðmundur Andri Thorsson

Ekki missa af Helstu tíðindum dagsins í pósthólfið þitt

Lesa nánar

Sjávarútvegsfyrirtækið Samherji birti í dag afsökunarbeiðni vegna framferðis svokallaðrar „skæruliðadeildar“ fyrirtækisins sem ráðgerði skipulagðan áróður gegn tilteknum fjölmiðlamönnum og öðrum aðilum.

Afsökunarbeiðnin er eftirfarandi:

Undanfarin mörg ár hefur mikið verið fjallað um ýmis málefni er tengjast starfsemi Samherja. Samherji hefur á að skipa mjög hæfu starfsfólki á mörgum stöðum á landinu og í heiminum. Þetta starfsfólk hefur verið í forystu við uppbyggingu eins öflugasta sjávarútvegsfyrirtæki landsins og í fremstu röð í harðri samkeppni á alþjóðavísu. Bæði stjórnendum og starfsfólki hefur sviðið þessi umfjöllun og umræða um fyrirtækið og störf sín enda þykir þeim umfjöllunin hafa verið einhliða, ósanngjörn og ekki alltaf byggð á staðreyndum.

Í slíkum aðstæðum, þegar vegið er að starfsheiðri með ósanngjörnum hætti á opinberum vettvangi, þá getur reynst erfitt að bregðast ekki við. Í fjölmiðlum að undanförnu hefur verið fjallað um samskipti fólks sem skiptist á skoðunum og ræddi hvernig best væri að bregðast við þessum aðstæðum. Þarna var um að ræða persónuleg samskipti á milli starfsfélaga og vina sem enginn gerði ráð fyrir að yrðu opinber. Það breytir því þó ekki að þau orð og sú umræða sem þar var viðhöfð voru óheppileg.

Þá hafa stjórnendur Samherja brugðist harkalega við neikvæðri umfjöllun um félagið og ljóst að of langt hefur verið gengið í þeim viðbrögðum. Af þeim sökum vill Samherji biðjast afsökunar á þeirri framgöngu.

Í augum Guðmundar Andra Thorssonar, þingmanns Samfylkingarinnar, er þetta ekki almennileg afsökunarbeiðni heldur skafsökunarbeiðni. Guðmundur Andri útskýrir hvers vegna:

Efsökunarbeiðni hefur það verið kallað þegar fólk setur fyrirvara við fyrirgefningarbónina – „ef ég hef móðgað eða sært …“ Ég veit ekki alveg hvað á að kalla svona samsetning – skafsökunarbeiðni? Sérhver iðrunarvottur jafnharðan skafinn burt og leitast við að draga upp mynd af ómaklega ofsóttu fyrirtæki að reyna af veikum mætti að verjast … Enn telja forsvarsmenn fyrirtækisins vandann felast í umfjöllun um starfshætti sína fremur en sjálfa starfshættina.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

Læknar senda Lilju Alfreðs í tímabundið veikindaleyfi

Læknar senda Lilju Alfreðs í tímabundið veikindaleyfi
EyjanFastir pennar
Fyrir 1 viku

„Kerfið ver sig með kjafti og klóm“

„Kerfið ver sig með kjafti og klóm“