fbpx
Sunnudagur 23.júní 2024
Eyjan

Segir að innrás Rússa í Úkraínu geti hrundið þriðju heimsstyrjöldinni af stað

Kristján Kristjánsson
Fimmtudaginn 16. desember 2021 08:00

Rússneskir hermenn við æfingar á Krím. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Yuliia Laputina, ráðherra málefna uppgjafahermanna í Úkraínu, segir að ef Rússar ráðast af fullum þung á Úkraínu, eins og margir telja að þeir hafi í hyggju, þá séu Úkraínumenn reiðubúnir til að verjast. Hún segir að slík árás geti einnig hrint þriðju heimsstyrjöldinni af stað.

Þetta sagði Laputina, sem áður var einn af æðstu yfirmönnum úkraínsku leyniþjónustunnar, í samtali við Sky News. Hún sagði að ef Vladímír Pútín, forseti Rússlands, ákveði að beita hernum gegn Úkraínu þá muni það hafa afleiðingar langt út fyrir úkraínsku landamærin. „Ef Rússar gera innrás núna, þá ættuð þið að huga að Balkanskaga. Því sem Rússar eru að gera í Serbíu núna, þeir eru að reyna að efna til ófriðar á Balkanskaga,“ sagði hún og bætti við: „Við tökum einnig upphaf síðari heimsstyrjaldarinnar með í reikninginn.“

Þegar hún var spurð hvort hætta sé á að innrás Rússa í Úkraínu muni hrinda þriðju heimsstyrjöldinni af stað, sagði hún að hætta væri á því. Það sé ekki ólíklegt. Það þurfi því að veita málefnum Úkraínu mikla athygli vegna öryggis Evrópu. „Þetta, stríð vegna innrásar Rússa í Úkraínu, mun verða mun víðtækara en bara í Úkraínu,“ sagði hún.

Hún sagði að meirihluti 400.000 uppgjafahermanna á aldrinum 20 til 60 ára sé reiðubúinn til að grípa til vopna og verja Úkraínu ef Rússar ráðast á landið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 6 dögum

Björn Jón skrifar: Ríkisvaldið hefur seilst alltof langt

Björn Jón skrifar: Ríkisvaldið hefur seilst alltof langt
Eyjan
Fyrir 6 dögum

Ari Kr. Sæmundsen skrifar: Lýðheilsa

Ari Kr. Sæmundsen skrifar: Lýðheilsa