The Guardian skýrir frá þessu en blaðið hefur fengið eintak af bókinni. Skömmu eftir sýnatökuna var aftur tekið sýni úr Trump og reyndist það neikvætt en nokkrum dögum síðar varð hann svo veikur að það varð að leggja hann í skyndi inn á sjúkrahús.
Meadows segir að Trump hafi verið með væg einkenni þegar hann greindist með kórónuveiruna en hafi samt sem áður ákveðið að mæta Biden í kappræðum.
Hann segir einnig að niðurstaða sýnatökunnar hafi legið fyrir þegar Trump var í þann mund að yfirgefa Hvíta húsið þann 26. september 2020 en þá var hann á leið á framboðsfund í Pennsylvania.
Fyrr um daginn höfðu um 150 manns sótt samkomu í Rósagarði Hvíta hússins þar sem Trump kynnti Amy Coney Barret sem væntanlegan hæstaréttardómara. Þessi samkoma var síðar skilgreind sem ofursmitsamkoma því margir smituðust af veirunni þar.
„Sjáðu til þess að forsetinn fari ekki neitt,“ sagði þáverandi læknir Hvíta hússina að sögn Meadows þegar niðurstaða fyrstu sýnatökunnar lá fyrir. En það var of seint var lækninum sagt.
Þegar Meadows tilkynnti Trump um niðurstöðu sýnatökunnar um borð í Air Force One sagði Trump: „Fjandinn, þú ert vonandi að grínast.“
