Baldur Borgþórsson, varaborgarfulltrúi Miðflokksins, hefur sagt sig úr flokknum. Birti hann yfirlýsingu um þetta á Facebook-síðu sinni. Baldur segist ítrekað hafa orðið vitni að starfsháttum og framkomu undir merkjum flokksins sem hann sætti sig ekki við, en yfirlýsing hans er eftirfarandi:
„Ég tilkynni hér með úrsögn mína úr Miðflokknum.
Ég lýsi því jafnframt yfir að ég mun standa við kjör mitt með framboði M-lista og sitja áfram sem fyrsti varamaður framboðsins í borgarstjórn Reykjavíkur til loka yfirstandandi kjörtímabils.
Sveitarstjórnarmenn eru sjálfstæðir í störfum sínum og ég hyggst rækja skyldur mínar gagnvart kjósendum mínum af sömu heilindum og einlægni og ég hef gert frá upphafi.
Ekki er þörf á að tíunda ástæður ákvörðunar minnar að öðru leyti en því að ég hef í störfum mínum í borgarstjórn ítrekað orðið vitni að starfsháttum og framkomu undir merkjum
Miðflokksins sem ég get með engu móti sætt mig við.
Með vinsemd og virðingu,
Baldur Borgþórsson Varaborgarfulltrúi M-lista í Reykjavík“
Í samtali við DV segist Baldur ekki síðar vilja tjá sig um persónur en ljóst sé af yfirlýsingu hans að samstarfið við Vigdísi Hauksdóttur, oddvita Miðflokksins í borgarstjórn gangi ekki vel. Vill hann þó ekki frekar tjá sig um það. Hann segist munu starfa sem óháður borgarfulltrúi fram á vorið en sveitstjórnarkosningar verða í maí. Hann viti hins vegar ekki hvort hann hverfi úr nefndum og ráðum sem hann hefur setið í á vegum flokksins, það sé á valdi Vigdísar.
Baldur segist hafa haft mikla ánægju af starfinu en veit ekki hvar hann ber niður næst. „Það má segja það að ég sé að upplifa það hartnær sextugur að vera bara munaðarlaus eins og stendur,“ segir Baldur og hlær.
Hann segir framtíðina óráðna en hann hafi vissulega áhuga á að starfa áfram að borgarmálum. „Ég myndi ekkert þrá meira en að starfa áfram á þessum vettvangi,“ segir hann.
DV hafði samband við Vigdísi Hauksdóttur vegna málsins og hafði hún aðeins þetta að segja um brotthvarf Baldurs úr Miðflokknum: