Morgunblaðið skýrir frá þessu í dag. Haft er eftir Ásgeiri að hann telji að nú standi íslenskt samfélag frammi fyrir ákveðinni prófraun. Ef það takist að halda aftur af verðbólgunni og komast í gegnum núverandi ástand án þess að þurfa að grípa til harðra aðgerða geti nafnvaxtakerfið á húsnæðislánum fest sig í sessi. „Og ef við stöndum í lappirnar með þetta þá gætum við séð verðtrygginguna heyra sögunni til,“ er haft eftir honum.
Þetta mun þó ekki takast nema með virkri þátttöku þriggja aðila að hans sögn. Þetta eru ríkisstjórnin, aðilar vinnumarkaðarins og Seðlabankinn.
Hann varar við ósjálfbærum launahækkunum á næstu árum. Ef laun hér á landi hækki umfram það sem gerist í nágrannalöndunum muni það brjótast úr í verðbólgu fyrr eða síðar. Mikilvægt sé að hagsmunaaðilar hætti að horfa á tekjufærslu og einblíni frekar á fjárfestingar sem komi sér vel fyrir allt samfélagið.
