fbpx
Fimmtudagur 21.október 2021
Eyjan

Stjórnarflokkarnir reyna að leysa ágreiningsefni og stokka ráðuneyti upp

Kristján Kristjánsson
Föstudaginn 1. október 2021 07:59

Frá undirritun ríkisstjórnarsáttmálans 2017.

Ekki missa af Helstu tíðindum dagsins í pósthólfið þitt

Lesa nánar

Formenn stjórnarflokkanna eru sagðir vera jákvæðir um áframhaldandi samstarf þrátt fyrir að togstreita sé um fyrirferðarmikla málaflokka á borð við heilbrigðismál, umhverfis- og orkumál og skattamál. Þetta eru mál sem voru viðkvæm í stjórnarsamstarfinu á síðasta tímabili en áhersla er lögð á að finna flöt á þeim áður en haldið verður lengra í viðræðum flokkanna.

Fréttablaðið skýrir frá þessu í dag. Fram kemur að miklar líkur séu taldar á að Katrín Jakobsdóttir verði áfram forsætisráðherra ef af áframhaldandi samstarfi verður en líklega verði stokkað upp í stjórninni að öðru leyti.

Blaðið segist hafa heimildir fyrir að ráðuneytisstjórar ráðuneytanna hafi fundað tveimur vikum fyrir kosningar og rætt möguleika á tilflutningi verkefna á milli ráðuneyta. Þeir koma þó ekki að uppstokkun verkefna fyrr en á síðari stigum.

Margir möguleikar eru sagðir koma til greina við fjölgun ráðuneyta. Rætt er um nýtt innviðaráðuneyti sem Framsóknarflokkurinn hefur talað fyrir og að skipta sjávarútvegs- og landbúnaðarráðuneytinu upp í tvö ráðuneyti. Ef af því verður kæmi að sögn til greina að skógrækt og landgræðsla færist frá umhverfisráðuneytinu yfir í landbúnaðarráðuneytið.

Fréttablaðið segir að ólíklegt þyki að Vinstri grænir muni gjalda fyrir fylgistapið í kosningunum með minni áhrifum innan ríkisstjórnarinnar. Flokkurinn verði líklega áfram með þrjú ráðuneyti. Flokkurinn muni þó væntanlega missa embætti forseta Alþingis og gæti Sjálfstæðisflokkurinn fengið það.

Ef ráðuneytum verður fjölgað mun Framsóknarflokkurinn væntanlega njóta þess og fá fjóra ráðherra og Sjálfstæðisflokkurinn halda sínum fimm.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Færri konur ráðnar í framkvæmdastjórastöður en í fyrra

Færri konur ráðnar í framkvæmdastjórastöður en í fyrra
Eyjan
Fyrir 1 viku

Guðrún skilur ekkert í Sjálfstæðismönnum – „Þetta er með slíkum ein­dæm­um, að lög ná ekki yfir það“

Guðrún skilur ekkert í Sjálfstæðismönnum – „Þetta er með slíkum ein­dæm­um, að lög ná ekki yfir það“