„Endilega farið varlega. Það kom mér ekki minna á óvart að smitast en það kæmi þér að smitast núna. Við erum öll almannavarnir,“ segir Helgi Hrafn Gunnarsson, þingmaður Pírata, í færslu á Facebook þar sem hann tilkynnir að hann hafi greinst með COVID-19. Helgi fékk greininguna í gærkvöldi en er við ágæta heilsu miðað við aðstæður. Það má þó reikna með nokkru álagi á heimilinu en eiginkona Helga, Inga Auðbjörg Straumland, úlnliðsbrotnaði í gær og er með hendina í gifsi.

Helgi bendir í færslunni á að þingið hafi ekki verið starfandi síðan 4. september og þetta sé því ekki versta tímasetningin gagnvart þingstörfunum. „Að sjálfsögðu er þó farið í einu og öllu eftir tilmælum og ráðgjöf sóttvarnaryfirvalda þegar kemur að þinglokknum og starfsfólki hans, t.d. hvað varðar sóttkví. Þá er Alþingi að sjálfsögðu meðvitað um stöðuna og hefur gert viðeigandi ráðstafanir,“ segir hann.

Hér má lesa færsluna hans í heild sinni.