Stuðningur við ríkisstjórnina mældist nú 46,8% og minnkar um þrjú prósentustig frá síðustu könnun, þar sem stuðningur mældist 49,8%. Þetta kemur fram í könnun MMR í dag.
Fylgi Sjálfstæðisflokksins mældist nú 24,3%, tæplega tveimur prósentustigum meira en í könnun MMR sem gerð var um miðjan júní og tæpu prósentustigi meira en í könnun maímánaðar.
Fylgi Samfylkingar jókst um fjögur prósentustig frá síðustu mælingu og mældist nú 16,3% og fylgi Pírata jókst um tæp tvö prósentustig og mældist nú 13,2%.
Þá minnkaði fylgi Framsóknarflokksins um þrjú prósentustig frá síðustu mælingu og mældist nú 6,1% og fylgi Miðflokksins minnkaði um rúmlega fjögur prósentustig frá síðustu könnun og mældist nú 8,0%.
- Fylgi Sjálfstæðisflokksins mældist nú 24,3% og mældist 22,7% í síðustu könnun.
- Fylgi Samfylkingarinnar mældist nú 16,3% og mældist 12,4% í síðustu könnun.
- Fylgi Pírata mældist nú 13,2% og mældist 11,4% í síðustu könnun.
- Fylgi Vinstri grænna mældist nú 10,7% og mældist 11,1% í síðustu könnun.
- Fylgi Viðreisnar mældist nú 10,0% og mældist 11,2% í síðustu könnun.
- Fylgi Miðflokksins mældist nú 8,0% og mældist 12,5% í síðustu könnun.
- Fylgi Framsóknarflokksins mældist nú 6,1% og mældist 9,1% í síðustu könnun.
- Fylgi Flokks fólksins mældist nú 5,4% og mældist 4,4% í síðustu könnun.
- Fylgi Sósíalistaflokks Íslands mældist nú 3,5% og mældist 3,3% í síðustu könnun.
- Stuðningur við aðra mældist 2,4% samanlagt.
Svipað og könnun Zenter
Zenter gerði könnun fyrir Fréttablaðið í dag um fylgi flokka. Eru niðurstöðurnar svipaðar og í könnun MMR, nema að Miðflokkurinn bætir örlítið við sig í stað þess að tapa fylgi.
- Sjálfstæðisflokkurinn bætir við sig fylgi, mælist nú með 23,1% en mældist með 22,4% í maí. Flokkurinn fékk 25,3% atkvæða í síðustu kosningum.
- Samfylkingin mælist nú með 16,1% fylgi, mældist með 15% í maí og fékk 12,1% í síðustu kosningum.
- Píratar fá 13.6%, bæta við sig 1.7% frá því síðast. Fengu 9,2% í kosningum.
- Miðflokkurinn mælist með 8,9% fylgi, mældist með 8,6% í maí og fékk 10,9% í síðustu kosningum.
- Fylgi Viðreisnar mælist 10% nú, var 9,8% í maí en flokkurinn fékk 6,7% atkvæða í síðustu kosningum.
- Vinstri græn tapa smávegis fylgi á milli kannana, mælast nú með 11,5% fylgi en mældust með 11,8% í síðustu könnun. Flokkurinn fékk 16,9% fylgi í síðustu kosningum.
- Fylgi Framsóknarflokksins mælist nú 1,2 prósentustigum minna en í síðustu könnun. Er nú 7,2% en var 8,4% í maí. Flokkurinn fékk 10,7% atkvæða í síðustu kosningum.
- Fylgi Sósíalista mælist nú 3,8% en mældist 4,5% í síðustu kosningum.
- Fylgi Flokks fólksins mælist nú 4,4% eins og í maí en flokkurinn fékk 6,9% fylgi í síðustu kosningum.
- Sósíalistaflokkurinn og Flokkur fólksins mælast undir 5% fylgi sem er þröskuldurinn sem komast verður yfir til að fá jöfnunarþingmann.