Borgarráð samþykkti þann 2. apríl sl. að efna til opinnar hönnunar- og framkvæmdasamkeppni um nýjan miðborgarleikskóla og fjölskyldumiðstöð. Framkvæmdin er hluti verkefnisins „Brúum bilið“sem miðar að því að fjölga leikskólaplássum fyrir yngri börn og brá bilið milli fæðingarorlofs og leikskóla, samkvæmt tilkynningu Reykjavíkurborgar.
Nýr miðbæjarleikskóli mun rísa í suðvesturhluta reitsins sem afmarkast af Grettisgötu, Njálsgötu, Rauðarársstígs og Snorrabrautar, þar sem Njálsgöturóló hefur verið um árabil. Lagt er til að greitt aðgengi sé að fjölskyldumiðstöðinni utan frá þar sem opnunartími miðstöðvarinnar verður einnig utan hefðbundins opnunartíma leikskólans. Lögð verður áhersla á að bæði inni og útisvæði verður hönnuð sérstaklega með áherslu á hreyfiþroska og sköpun barna.
Stefnt er að því að 116 börn á aldrinum 1-6 ára geti dvalið í nýjum miðbæjarleikskóla. Hann myndi rýma 36 fleiri pláss en í leikskólanum Miðborg sem nú er rekinn í þremur húsum; Barónsborg, Njálsborg og Lindarborg.
Áætlað er að niðurstaða samkeppninnar geti legið fyrir á síðari hluta ársins 2020 en nýr miðborgarleikskóli og fjölskyldumiðstöð á að rísa á árunum 2021-2022.
Bréf lagt fyrir á fundi borgarráðs