Covid-19 faraldurinn hefur mikil áhrif á umferð samkvæmt mælingum Vegagerðarinnar. Þann 20. mars hafði umferðin dregist saman um 10,1% miðað við sama tímabil á síðasta ári, sem er fáséður samdráttur á höfuðborgarsvæðinu. Samdrátturinn jafngildir rúmlega hálfu prósentustigi á sólarhring, en miðað er við þrjá staði.
Umferð dróst mest saman á Hafnarfjarðarvegi við Kópavogslæk en þar hefur orðið 15,3% samdráttur í heild, eða sem nemur tæpu prósenti á sólarhring.
„Þessi samdráttur, á Hafnarfjarðarvegi, verður að teljast gríðarlegur þar sem fá dæmi ef nokkur eru um slíkt, haldi þetta áfram eða verður viðvarandi út mánuðinn, sem alls ekki er óhugsandi vegna nýlegs samkomubanns og þróunar Covid-19 faraldursins í samfélaginu,“
segir á vef Vegagerðarinnar:
„Það verður fróðlegt að fylgjast með hvernig umferðin þróast á næstu vikum, sérstaklega þegar horft er til þess að hámark dreifingar sjúkdómsins gæti orðið um miðjan apríl. Það gæti því verið að vænta lágpunktar í magni umferðarinnar þá. Þannig að umferðin kann að gefa vísbendingu um það hvernig smitþróun sjúkdómsins verður.“
Samdrátturinn skiptist svona niður: