fbpx
Sunnudagur 20.september 2020
Eyjan

Biden á móti Trump: Annar elliær og hinn ruglaður?

Egill Helgason
Miðvikudaginn 11. mars 2020 14:34

Trump og Biden. Mynd/samsett Getty

Ekki missa af Helstu tíðindum dagsins í pósthólfið þitt

Lesa nánar

Nú virðist ljóst að Joe Biden verður andstæðingur Donalds Trump í forsetakosningunum í nóvember. Hann virðist ætla að sigra Bernie Sanders næsta auðveldlega – þótt um tíma væru teikn á lofti um annað. Ein fyrirsögnin hljómaði svo: Ungt fólk tvítar en mætir ekki á kjörstað. Það hefur verið mikil þátttaka í forkosningum Demókrata, en stuðningsmenn Sanders hafa ekki skilað sér.

Biden virðist hafa býsna breiðan stuðning meðal þeirra sem kusu í forkosningunum – kannski einfaldlega vegna þess að kjósendur telja hann líklegastan til að geta fellt Trump. Hann er ekki næstum eins umdeildur og Hilary Clinton. En hann á langan feril í stjórnmálum og hefur tekið í gegnum tíðina tekið afstöðu í ýmsum málum sem nú virkar umdeilanleg. Það verður hægt að núa honum þessu um nasir.

Biden er 77 ára og ýmislegt bendir til þess að aldurinn sé farinn að há honum verulega. Hann er langt í frá eins beittur og hann var áður, gleymir nöfnum og virðist eiga erfitt með að halda lengri ræður. Það er líkast því að starfsfólk hans gæti þess að þessir veikleikar birtist ekki of greinilega. Sveit Trumps sem svífst einskis mun hamra á því að hann sé með elliglöp – það er beinlínis herferð í gangi til að sýna fram á að hann sé elliær.

Þetta gæti orðið skrautlegt. Annars vegar Biden sem er ekki til stórræðanna og hins vegar Trump sem virkar ansi ruglaður, eins og til dæmis má sjá því hvernig hann hefur brugðist við hinni yfirvofandi sóttarógn. Þetta er úr Daily Show með Trevor Noah.

Maður spyr sig um stöðuna í stjórnmálunum í því sem eitt sinn var kallað guðseiginland….

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 2 dögum

Meirihlutinn manni færri – Rósa Björk hætt í VG

Meirihlutinn manni færri – Rósa Björk hætt í VG
Eyjan
Fyrir 5 dögum

Borgarfulltrúi Sjálfstæðisflokksins og Gunnhildur rífast – „Ég viðurkenndi ekki neitt“ – „Fake news“

Borgarfulltrúi Sjálfstæðisflokksins og Gunnhildur rífast – „Ég viðurkenndi ekki neitt“ – „Fake news“
Eyjan
Fyrir 5 dögum

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“