fbpx
Sunnudagur 20.september 2020
Eyjan

Inga Sæland reið: „Betra að vera hræddur en dauður“

Ritstjórn Eyjunnar
Föstudaginn 14. febrúar 2020 19:00

Inga Sæland þingmaður

Ekki missa af Helstu tíðindum dagsins í pósthólfið þitt

Lesa nánar

„Hver kannast ekki við þá kenningu að þeir sem eru kjörnir á þing umbreytist í eitthvað allt annað þegar alþingishurðin skellur á hælana á þeim. Gleymi öllum gefnum loforðum á stundinni. Ég hef enn ekki rekist á þetta breytingarherbergi og ef það er þarna að finna þá mun ég aldrei stíga þangað fæti inn.“

Svona hefst Facebook-færsla Ingu Sæland, formanns Flokks fólksins, en hún er ekki sátt með viðbrögð stjórnvalda vegna kórónaveirunnar. „Ég var kosin til að segja sannleikann, til að berjast gegn fátækt og spillingu, til að gera allt sem í mínu valdi stendur til að vernda borgarana gegn allri vá og gegn valdníðslu valdhafanna.“

„Nú þegar ég bendi á dauðansalvöru Kórónaveirunnar sem enginn utan kínverkra stjórnvalda veit í raun hvers er megnug, þá er eru þeir til sem segja mig reka hér hræðsluáróður og skelfa fólk. Ég kem með dánartíðnitölur sem eru jafn sannar og bullið sem matreytt er ofan í okkur af kínverskum stjórnvöldum og er kölluð lygari í leiðinni,“ segir Inga en rúmlega 64 þúsund manns hafa smitast af veirunnni. Af þeim hafa um 1.300 manns látist en rúmlega 7 þúsund manns hafa jafnað sig eftir veiruna.

„En mér er sama, betra að vera hræddur en dauður. Kórónaveiran er núverandi óvinur mannkyns númer eitt og hana ber að forðast og fyrirbyggja með öllum ráðum, ekki einungis undirbúa komu hennar eins og við eigum ekkert val. Já það eru ekki bara góðu launin sem fljóta upp á fjöru þingmannsins, Ó nei ég er einnig umvafin kærleika þeirra sem treysta mér og styðja í gegnum þykkt og þunnt ásamt illsku þeirra sem tala mig niður, gera mig að lygara og þjófi, ómerkingi og hálfvita.“

Inga segir að hvað sem öllu þessu líður þá tekur hún kærleikann út fyrir sviga og alla þá sem umvefja hana með honum. „Ég læt ekki pólitíska andstæðinga segja mér hvar hugsjonir mínar og sannfæring liggur. Ég er hér fyrir ykkur sama hvað á gengur. Flokkur fólksins er flokkurinn þinn, hann setur fólkið í fyrsta sæti og við gefumst ALDREI UPP!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 3 dögum

Meirihlutinn manni færri – Rósa Björk hætt í VG

Meirihlutinn manni færri – Rósa Björk hætt í VG
Eyjan
Fyrir 5 dögum

Borgarfulltrúi Sjálfstæðisflokksins og Gunnhildur rífast – „Ég viðurkenndi ekki neitt“ – „Fake news“

Borgarfulltrúi Sjálfstæðisflokksins og Gunnhildur rífast – „Ég viðurkenndi ekki neitt“ – „Fake news“
Eyjan
Fyrir 6 dögum

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“

Páll segir egypska fjölskylduföðurinn vera „ósvíf­inn“ og Mogginn tekur undir – „Sam­tök­in eru viður­kennd öfga­sam­tök“