fbpx
Fimmtudagur 16.september 2021
Eyjan

Breskir sjómenn sagðir sjá eftir Brexit – Bretar eru allt of matvandir

Kristján Kristjánsson
Mánudaginn 14. desember 2020 18:00

Ekki missa af Helstu tíðindum dagsins í pósthólfið þitt

Lesa nánar

Brexit virðist ætla að vera allt annað en góð ákvörðun fyrir breska sjómenn og eru þeir sagðir vera á milli steins og sleggju vegna útgöngu Bretlands úr ESB. Sjómenn voru einir helstu stuðningsmenn útgöngunnar og gátu Brexitsinnar gengið að atkvæðum þeirra vísum í þjóðaratkvæðagreiðslunni 2016.

En í dag er staðan allt önnur og margir breskir sjómenn eru nú sagðir vonast eftir að samningar náist við ESB um tolla- og fríverslunarmál svo þeir geti haldið áfram að selja afla sinn til meginlandsins. Ástæðan er að megnið af afla Breta selst ekki innanlands, Bretar eru eiginlega bara matvandir. Financial Times skýrir frá þessu.

Eins og staðan er þegar þetta er skrifað er ekki útlit fyrir að samningar náist á milli Breta og ESB og því endi aðlögunartímabil Breta um áramótin án þess að samningar hafi náðst. Samningaviðræðurnar eru erfiðar og eitt af stóru ágreiningsefnunum eru fiskveiðar því beggja megin við Ermarsund eru fiskveiðar mikilvægar pólitískt séð. Efnahagsleg þýðing þeirra er smávægileg í hinu stóra samhengi.

Fiskur, veiddur af breskum sjómönnum, er aðeins 0,03% af vergri þjóðarframleiðslu en ef allur fiskiðnaðurinn er tekinn með í reikninginn er hlutfallið 0,1% en það svarar til um þriðjungs af ársveltu stórverslunarinnar Harrods í Lundúnum. BBC segir að samkvæmt tölum frá 2018 sé fjármálageirinn 168 sinnum stærri en breski fiskiðnaðurinn. Það er því ljóst að ef bjarga á bresku efnahagslífi úr verstu niðursveiflu þess í 300 ár þá er það ekki fiskiðnaðurinn sem kemur til bjargar.

Financial Times segir að Bretar borði nær eingöngu þorsk, ýsu, túnfisk, lax og rækjur. Megnið af öðru sjávarfangi, eða um 80%, er flutt til meginlandsins. Breskir sjómenn eru því gríðarlega háðir því að geta selt afla sinn á meginlandinu en ef ekki nást samningar um tolla- og fríverslunarmál gæti það orðið erfitt því sjávarfangið verður einfaldlega of dýrt þegar tollar leggjast ofan á það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Píratar neita að svara spurningum um bólusetningar – Halldóra tók upp hanskann fyrir foreldra óbólusettra barna

Píratar neita að svara spurningum um bólusetningar – Halldóra tók upp hanskann fyrir foreldra óbólusettra barna
EyjanFastir pennar
Fyrir 2 dögum

Björn Jón skrifar: „Skelfilegt kontóristabæli“

Björn Jón skrifar: „Skelfilegt kontóristabæli“
Eyjan
Fyrir 4 dögum

Morgunblaðið furðar sig á Halldóru Pírata – „Les­and­an­um er eft­ir­látið að álykta um af­leiðing­ar þess“

Morgunblaðið furðar sig á Halldóru Pírata – „Les­and­an­um er eft­ir­látið að álykta um af­leiðing­ar þess“
Eyjan
Fyrir 4 dögum

Þór Saari segir fólki að kjósa ekki Sjálfstæðisflokkinn – „Garðarbæjarklíka sem stjórnar flokknum og graðkar fé í vasa vina og ættmenna fær aldrei nóg“

Þór Saari segir fólki að kjósa ekki Sjálfstæðisflokkinn – „Garðarbæjarklíka sem stjórnar flokknum og graðkar fé í vasa vina og ættmenna fær aldrei nóg“
Eyjan
Fyrir 1 viku

Guðmundur Andri og Gunnar Smári deila um RÚV – „Þú ert hér í hlutverki rakkans að gelta á ógnina fyrir húsbónda sinn“

Guðmundur Andri og Gunnar Smári deila um RÚV – „Þú ert hér í hlutverki rakkans að gelta á ógnina fyrir húsbónda sinn“
Eyjan
Fyrir 1 viku

Willum með 99,96% mætingu á kjörtímabilinu – „Ég þarf ekkert klapp á bakið fyrir að mæta í vinnuna“

Willum með 99,96% mætingu á kjörtímabilinu – „Ég þarf ekkert klapp á bakið fyrir að mæta í vinnuna“