Niðurstöður nýrrar Gallup könnunar sýna að 55% Bandaríkjamanna eru jákvæðir í garð Joe Biden, verðandi forseta, en 41% eru neikvæðir í hans garð. Í sömu könnun sögðust 42% vera jákvæðir í garð Donald Trump, núverandi forseta, og 57% voru neikvæðir í hans garð.

CNN skýrir frá þessu. Fram kemur að Biden sé nú vinsælli en Trump hefur nokkru sinni verið síðan hann tilkynnti um forsetaframboð sitt í júní 2015. CNN segir að skoðanakannanir hafi sýnt að hlutfall jákvæðra Bandaríkjamanna í garð Trump hafi yfirleitt verið á blinu 30 til 40%. Besta útkoma hans var strax eftir forsetakosningarnar 2016 en þá sögðust 50% aðspurðra vera jákvæði í hans garð í könnun sem var gerð fyrir Bloomberg News.

Einnig kemur fram að sá munur sé á Biden og Trump að yfirleitt séu fleiri jákvæðir í garð Biden en neikvæðir en hjá Trump sé þessu að öllu jöfnu öfugt farið.