Sögulegar sættir virðast hafa orðið á Facebook í dag þegar Bubbi Morthens bað Brynjar Níelsson afsökunar á ummælum sínum í gærkvöldi. „Ætla biðja þig afsökunar á ummælum mínum í gær óþarfi af minni hálfu,“ sagði Bubbi undir færslu Brynjars. Svarar Brynjar: „Love you too.“ Seinna segir Brynjar þá báða vera hvatvísa og heita, en að öðru leyti fullkomna.
Færsluna má sjá hér:
Upphaflega færsla Brynjars, sem DV fjallaði um, fjallaði um orð „grillmeistarans,“ og læknisins Ragnars Freys Ingvarssonar. Tókust þar á Brynjar og Ragnar um viðbrögð hins opinbera við Covid-19 faraldrinum. Brynjari þótti hið opinbera vera að ganga býsna langt og spurði hvort gæti verið að of langt væri gengið. Þessu svaraði Ragnar nokkuð hraustlega sem svo varð hvati að öðru svari Brynjars, sem sjá mér hér að neðan:
Bubba var ekki skemmt yfir þessari færslu og lét Brynjar aldeilis heyra það: „Hver var þessi aumingja þingmaður sá er ílla áttaður hann hlítur að vera pínku tregur eða þá með blindan púnt í höfðinu.“ Þá sagði Bubbi Brynjar vera misheppnuð manneskja, sem útskýrði hvernig hann hagaði sér í raun og veru.
Þung orð, en þau komu þó ekki í veg fyrir að áðurnefndar sættir.