Sunnudagur 26.janúar 2020
Eyjan

Bæjarstjóra blöskrar Brot á RÚV: „Ég trúi því ekki að ég sé að tuða yfir þessu“

Ritstjórn Eyjunnar
Miðvikudaginn 8. janúar 2020 13:30

Ekki missa af Helstu tíðindum dagsins í pósthólfið þitt

Lesa nánar

Bæjarstjóri Ísafjarðarbæjar, Guðmundur Gunnarsson, gerir athugasemdir við hvernig landsbyggðin er túlkuð í spennuþættinum Brot sem sýndur er á RÚV. Hann greinir frá þessu á Facebook:

„Fínir þættir en mikið óskaplega er hún alltaf þreytandi þessi lúðaímynd landsbyggðarinnar í íslensku sjónvarpsefni. Ófærð var slæm en þetta er eiginlega kjánalegt,“

segir Guðmundur, sem sjálfur er vestfirðingur.

Treggáfuð landsbyggð í yfirþyngd

Hann tekur dæmi sem hann segir augljós:

„Löggan í Reykjavík er auðvitað töff týpa í flottum fötum. Fallegur, djúpvitur, réttsýnn og dularfullur. Ræktar líkama sinn. Löggan í Borgarnesi er aftur á móti með rækjusamloku í munnvikinu. Treggáfaður, í yfirþyngd og með buff um hálsinn. Skilur ekki neitt í neinu á meðan löggurnar úr borginni sjá samhengið og rekja þræðina. Leiftra af sjálfsöryggi á meðan rækjusamlokan klórar sér í buffinu.“

Hann birtir síðan samanburðarmyndir á tveimur konum í þættinum:

„Svo er það konan í Reykjavík og konan úti á landi. Læt myndirnar bara tala sínu máli 🤨“

 

„Æi, ég trúi því ekki að ég sé að tuða yfir þessu. Er sennilega sjálfur mesti landsbyggðarlúðinn fyrir vikið😊 Samt, ef þetta væri ekki svona pínlegt þá væri þetta sennilega alveg óstjórnlega fyndið,“

segir Guðmundur að lokum.

Þátturinn Brot er hugarfóstur leikstjórans Þórðar Pálssonar, en að handritsgerð koma einnig Óttar Norðfjörð, Margrét Örnólfsdóttir og Mikael Torfason.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Forstjóri Landsvirkjunar – „Verið að keyra þetta verkefni verulega hratt áfram“

Forstjóri Landsvirkjunar – „Verið að keyra þetta verkefni verulega hratt áfram“
Eyjan
Fyrir 4 dögum

Vandi Landspítalans leystur? – „Til allrar lukku hins vegar hefur ný nefnd verið skipuð“

Vandi Landspítalans leystur? – „Til allrar lukku hins vegar hefur ný nefnd verið skipuð“