Samkvæmt skoðanakönnun sem fyrirtækið Zenter gerði fyrir Fréttablaðið er Sósíalistaflokkur Íslands með rúmlega 5% prósenta fylgi og næði því fólki inn á þing ef um væri að ræða niðurstöðu kosninga. Flokkur fólksins er rétt undir 5% markinu samkvæmt könnuninni.
Könnunin sýnir Sjálfstæðisflokkinn með rétt rúmlega 19% fylgi og stærstan þingflokka. Lækkar hann um 0,5% frá síðustu könnun.
Samfylkingin lækkar um 2% frá síðustu könnun og er með 16,4%.
Píratar eru 3. stærsti flokkurinn með 14% og bæta við sig rúmum þremur prósentum frá síðustu könnun.
Miðflokkurinn er með 11,2% sem er örlítið minna fylgi en í síðustu könnun.
Viðreisn mælist með 10% og missir 1%.
Vinstri græn eru með aðeins 8,3 prósenta fylgi en það er aðeins helmingur af fylgi flokksins í síðustu kosningum og 4,4% læra en í síðustu könnun.
Framsóknarflokkurinn er með svipað fylgi og undanfarið eða 7,8%.