fbpx
Föstudagur 07.ágúst 2020
Eyjan

Morgunblaðið skýtur fast á umboðsmann skuldara

Ritstjórn Eyjunnar
Fimmtudaginn 16. janúar 2020 11:30

Ekki missa af Helstu tíðindum dagsins í pósthólfið þitt

Lesa nánar

Morgunblaðið lagði til í vikunni að „ríkisstofnunin“ Umboðsmaður skuldara yrði lögð niður, þar sem færri leituðu til hennar en áður og því væri tilvistargrundvöllur hennar brostinn og því ríkinu í lófa lagið að spara kostnaðinn við embættið, en alls fóru um 280 milljónir króna í rekstur þess í fyrra.

Rúmlega 1.100 manns leituðu til embættisins í fyrra, en flestar umsóknir komu árið 2011, alls 3.100. Starfsfjöldi embættisins hefur farið úr um 100 manns niður í 17 manns frá stofnun árið 2010.

Sjá nánar: Morgunblaðið vill leggja niður ríkisstofnun sem aðeins er skipuð konum – „Hvers vegna er það ekki gert?“

Skattgreiðendum að kostnaðarlausu ?

Morgunblaðið fjallar aftur um málið í Staksteinum í dag, eftir að Ásta S. Helgadóttir, Umboðsmaður skuldara, birti svargrein í gær hvar hún kom á framfæri leiðréttingum. Sagði hún meðal annars að það væri rangt með farið hjá Morgunblaðinu að kostnaður embættisins væri greiddur af skattgreiðendum:

„Þetta er beinlínis rangt þar sem gjaldskyldir aðilar (fjármálafyrirtæki, Íbúðalánasjóður, lífeyrissjóðir og vátryggingafélög) standa straum af kostnaði en ekki skattgreiðendur. Hefur þetta fyrirkomulag verið frá stofnun embættisins.“

Samhengi hlutanna

Staksteinar svara  Ástu aftur í dag hvar fast er skotið:

„Í lögum um embættið kemur einmitt fram að þessir aðilar „skulu standa straum af kostnaði við rekstur umboðsmanns skuldara með greiðslu sérstaks gjalds í samræmi við ákvæði laga þessara sem rennur í ríkissjóð.“ Þarna er sem sagt um að ræða skatt á þessa aðila sem vitaskuld er svo á endanum greiddur af viðskiptavinum þessara aðila, almenningi. Sú fullyrðing umboðsmannsins að þjónustan sé „ókeypis“ er auðvitað fjarstæða. Raunar þarf ekki að fara í lögin til að sjá þetta, því í ársreikningi embættisins sjálfs segir að „framlög ríkisins“ nemi 275.900.000 kr. Mikilvægt er að ríkisstarfsmenn, ekki síst forstöðumenn, hvað þá þeir sem starfa við að veita ráðgjöf um fjármál, átti sig á þessu samhengi hlutanna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 4 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 1 viku

Gagnrýnir Ásmund harðlega: „Eiginhagsmunagæsla og atkvæðakaup“

Gagnrýnir Ásmund harðlega: „Eiginhagsmunagæsla og atkvæðakaup“
Eyjan
Fyrir 1 viku

Icelandair stefnir á að ljúka samningum í vikulok – Gengisveiking styður við endurreisn félagsins

Icelandair stefnir á að ljúka samningum í vikulok – Gengisveiking styður við endurreisn félagsins
Eyjan
Fyrir 1 viku

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti
Eyjan
Fyrir 1 viku

Margrét kemur Ragnari til varnar – „Lærdóm verði að draga af misvitrum fjárfestingum“

Margrét kemur Ragnari til varnar – „Lærdóm verði að draga af misvitrum fjárfestingum“