fbpx
Mánudagur 01.júní 2020
Eyjan

Byggingarfulltrúi Hafnarfjarðar sat beggja vegna borðsins – Samþykkti eigin teikningar

Ritstjórn Eyjunnar
Þriðjudaginn 14. janúar 2020 11:06

Ekki missa af Helstu tíðindum dagsins í pósthólfið þitt

Lesa nánar

Hildur Bjarnadóttir, byggingarfulltrúi í Hafnarfirði, hefur tvisvar skilað inn eigin teikningum til bæjarins vegna breytinga á Karmelítaklaustrinu að Ölduslóð 37. Það er andstætt lögum um mannvirki. Greint er frá þessu í Fjarðarfréttum.

Vísað er í fundargerð skipulags- og byggingarfulltrúa frá 5. desember, en Hildur ritar fundargerðina sjálf.

Þar er þess þó ekki getið hver hafi gert teikningarnar, né hver hafi verið staðgengill byggingarfulltrúa, en þess er þó getið að byggingafulltrúi hafi vikið af fundi. Var erindið samþykkt.

Samkvæmt lögum um mannvirki nr. 160 frá 2010 er þetta óheimilt, en þar segir  í 8. grein:

Byggingarfulltrúa eða starfsmönnum hans er óheimilt að vinna nokkurt það starf sem kann að koma til afgreiðslu í umdæmi hans.

Teikning Hildar er venju samkvæmt undirrituð af henni. Hinsvegar er hún einnig samþykkt og stimpluð af byggingarfulltrúa, og undirrituð sem slík af Hildi sjálfri. Þar með samþykkti hún eigin teikningu.

Þá greina Fjarðarfréttir einnig frá því að utan þessara tveggja teikninga vegna Ölduslóðar hafi Hildur einnig viðhaft sama verklag með teikningu af húsi við Álfaskeið, sem hún hafði byrjað á áður en hún gerðist byggingarfulltrúi.

Þá segir í umfjöllun Fjarðarfrétta að Hildur þyki sérlega hörð í horn að taka þegar kemur að því að framfylgja lögum og reglum í starfi sínu og hún hafi verið gagnrýnd fyrir ósveigjanleika hvað það varðar.

Fékk undanþágu

Í svari frá Sigurði Haraldssyni, sviðsstjóra hjá Hafnarfjarðarbæ, segir að Hildur hafi fengið heimild til þess að klára tvö verk þegar hún var ráðin. Hún hafi fengið undanþágu vegna teikninganna við nunnuklaustrið, sem hún hafi gert án þess að taka greiðslu fyrir og málið hafi verið klárað með hans vitund:

„Annars hefur hún ekki lagt inn teikningar nema í þessu undantekningartilviki, fyrir nunnurnar, en það verk gerði hún fyrir þær án greiðslu, en þær báru sig illa og Hildur aðstoðaði þær með minni vitund.“

Ekki er þó minnst á neinar undaþágur í lögunum um mannvirki.

Ekki náðist í Hildi vegna málsins í morgun.

Sjá nánar á vef Fjarðarfrétta

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Harðar ásakanir á aðalfundi Eflingar þegar brottrekinn bókari hélt ræðu

Harðar ásakanir á aðalfundi Eflingar þegar brottrekinn bókari hélt ræðu
Eyjan
Fyrir 4 dögum

Stjórnarþingmaður tekur upp hanskann fyrir Svandísi

Stjórnarþingmaður tekur upp hanskann fyrir Svandísi
Eyjan
Fyrir 5 dögum

„Hvers vegna þurfa erfingjarnir að greiða ríkinu fyrir gjöf frá foreldrum sínum?“

„Hvers vegna þurfa erfingjarnir að greiða ríkinu fyrir gjöf frá foreldrum sínum?“
Eyjan
Fyrir 5 dögum

Guðni telur að þetta muni valda meiri dauða en COVID-19 og krabbamein

Guðni telur að þetta muni valda meiri dauða en COVID-19 og krabbamein
Eyjan
Fyrir 6 dögum

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“
Eyjan
Fyrir 6 dögum

Skoða beina fjárstyrki til verst settu sveitarfélaganna

Skoða beina fjárstyrki til verst settu sveitarfélaganna