fbpx
Fimmtudagur 28.maí 2020
Eyjan

Fimm milljóna kostnaður verður að 105 í Árborg – „Sama óráðsía og í borgarstjórn“

Ritstjórn Eyjunnar
Fimmtudaginn 27. febrúar 2020 09:07

Ekki missa af Helstu tíðindum dagsins í pósthólfið þitt

Lesa nánar

Endurbætur á ráðhúsinu í Árborg áttu upphaflega að kosta fimm milljónir, en framkvæmdir munu enda í 105 milljónum. Bæjarfulltrúar hafa óskað eftir skýringum og óháðri úttekt, en verkið var ekki boðið út þar sem það var talið vera innan útboðsreglna. Fréttablaðið greinir frá.

Endurbæturnar hófust í fyrra, en Sjálfstæðisflokkurinn, sem er í minnihluta, vill skoða hvort öllum útboðsreglum hafi verið fylgt og hvort farið hafi verið eftir ákvæðum sveitarstjórnarlaga um valdmörk, en það var arkitektastofan Plan 21 sem var með verkið á sinni könnu.

Upphaflega stóð til undir lok árs 2018 að skipta um gólfdúk og gera úrbætur á bókasafninu sem er í sama húsnæði og ráðhúsið Selfossi. Gert er ráð fyrir að 40 milljónir þurfi til að klára verkið, sem endar þá í 105 milljónum, en aðrar framkvæmdir hafa bæst við og er aukinn kostnaður sagður vegna hönnunar, smíðavinnu, gólfvinnu, raflagna, innréttinga, uppsetningu, húsgagna og annars tilfallandi. Viðauki við fjárhagsáætlun var samþykktur í september upp á 39 milljónir, sem dugði þó ekki til vegna útgjaldanna við verkið það árið.

Óráðsía

Í byrjun febrúar kom fram í svari við fyrirspurn minnihlutans, að kostnaðurinn hefði verið kominn í 65 milljónir árið 2019:

„Þetta er komið í 85 núna og á eftir að fara yfir 100, því það á eftir að taka alla efri hæðina og fleira. Þetta er sama óráðsía og í borgarstjórn Reykjavíkur,“

segir Gunnar Egilsson, oddviti Sjálfstæðisflokksins og vitnar til fjölmargra framúrkeyrsluverkefna Reykjavíkurborgar á kjörtímabilinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Baráttan um Bessastaði – Hvorn ætlar þú að kjósa ? – Taktu þátt í könnuninni

Baráttan um Bessastaði – Hvorn ætlar þú að kjósa ? – Taktu þátt í könnuninni
Eyjan
Fyrir 2 dögum

Segir flugfreyjur hjá Icelandair vel geta unnið meira – „Er engin vorkunn“

Segir flugfreyjur hjá Icelandair vel geta unnið meira – „Er engin vorkunn“
Eyjan
Fyrir 5 dögum

Bogi Nils sakaður um lögbrot – Nýtt flugfreyjufélag segist „tilbúið til umræðu“

Bogi Nils sakaður um lögbrot – Nýtt flugfreyjufélag segist „tilbúið til umræðu“
Eyjan
Fyrir 5 dögum

Telja frumvarp forsætisráðherra brjóta gegn stjórnarskránni og EES-samningnum

Telja frumvarp forsætisráðherra brjóta gegn stjórnarskránni og EES-samningnum