Miðflokkurinn hélt sitt fyrsta golfmót um helgina, en það var haldið í Grindavík. Því lauk í gærkveldi með sigri Karls Gauta Hjaltasonar, þingmanns Miðflokksins og Gerðu Hammer, sem var í framboði fyrir Miðflokkinn í sveitastjórnarkosningunum í fyrra. Þetta kemur fram á Facebooksíðu Miðflokksins.
Greint er frá því að Sigmundur Davíð Gunnlaugsson, formaður flokksins, hafi verið í hlutverki eftirlitsdómara en draga hafi þurft um 2. og 3. sætið þar sem þrjú lið voru jöfn að stigum.
Miðflokksmenn létu votviðrið ekki á sig fá, enda geta þeir glaðst yfir góðum stuðningi í könnunum, þar sem fyrrverandi stuðningsmenn Sjálfstæðisfloksins virðast flykkjast yfir til þeirra vegna þriðja orkupakkans.
Færslan var sett inn skömmu eftir miðnætti og eitthvað hefur stafsetningin misfarist, enda þreytan eflaust farin að gera vart við sig líkt og lesa má úr fyrirsögninni á Facebook:
„Golfmót Miðfokksin tóks vonum famar“
Uppfært:
Búið er að breyta fyrirsögninni hjá Miðflokknum. Hún er núna aðeins réttari, en nafn Miðflokksins er þó ennþá vitlaust stafað:
„Golfmót Miðfokksins tókst vonum framar“
Sjá má breytingarnar hér að neðan:
