Stjórnvöld áforma lagasetningu þar sem framkvæmdastjórum, og öðrum stjórnendum íslenskra fyrirtækja, verður ekki lengur skylt að búa á Íslandi, Færeyjum, eða í aðildarríkjum EES- samningsins. Þetta þýðir að yfirmenn íslenskra fyrirtækja mega búa hvar sem er í heiminum, svo framalega sem þeir eru frá ofangreindum ríkjum.

Með frumvarpinu er lagt til að ríkisborgarar EES-ríkja, EFTA ríkja og Færeyja, sem búsettir eru utan þessara ríkja, og ríkisborgarar þriðju ríkja, sem búsettir eru á Evrópska efnahagssvæðinu, þurfi ekki lengur undanþágu ráðherra til að vera í stjórn eða vera framkvæmdastjórar

Þessi lagsetning er tilkomin vegna athugasemda eftirlitstofnunar EFTA, en stofnunin gerði fyrst athugasemdir við þessi skilyrði íslenskra laga árið 2014. Þannig er talið að ekki sé hægt að setja höft á rétt ríkisborgara á EES-svæðinu til að öðlast staðfestu á yfirrráðsvæði einhvers annars ríkis á svæðinu. Staðfesturétturinn felur meðal annars í sér rétt til að hefja og stunda sjálfstæða atvinnustarfsemi og til að stofna og reka ný fyrirtæki.

Þetta þýðir einnig að fyrirtækjaskrá þarf ekki lengur að fylgjast með búsetu þeirra aðila sem um ræðir.