Laugardagur 18.janúar 2020
Eyjan

Forsætisráðherra hvetur til varkárni vegna veðurs: „Og vera ekki á ferðinni að óþörfu“

Ritstjórn Eyjunnar
Þriðjudaginn 10. desember 2019 11:09

Ekki missa af Helstu tíðindum dagsins í pósthólfið þitt

Lesa nánar

Katrín Jakobsdóttir, forsætisráðherra, hvetur fólk til að vera innandyra í dag og á morgun vegna ofsaveðursins sem spáð er. Hún hvetur fólk til að fara varlega og hugsa til þeirra sem eru á vaktinni vegna veðursins:

„Nú er spáð aftakaveðri um land allt. Ég hvet okkur öll til að fara varlega í dag og á morgun og vera ekki á ferðinni að óþörfu. Viðbragðsaðilar eru tilbúnir, Landsbjörg og björgunarsveitir um land allt, lögreglan og almannavarnadeild Ríkislögreglustjóra, starfsfólk sveitarfélaga, sjúkraflutningamenn og slökkvilið, Landhelgisgæslan og hafnarverðir, Vegagerðin, Veðurstofan og snjóeftirlitsmenn, ferðaþjónustufyrirtækin sem miðla upplýsingum í samstarfi við Safe travel, Samhæfingarmiðstöðin í Skógarhlíð sem mun tryggja að við séum öll á sömu blaðsíðu, Rauði krossinn og fjölmiðlar sem miðla upplýsingum til okkar allra. Og svo eru auðvitað margir fleiri sem þurfa að sinna sínum störfum þrátt fyrir veður og vinda. Þannig að förum varlega og hugsum til allra þeirra sem standa vaktina með okkur, ekki aðeins í dag og á morgun, heldur standa þá vakt árið um kring.“

Búist er við víðtækum samgöngutruflunum um land allt og rauðar og appelsínugulur viðvaranir eru í gildi. Verst verður veðrið á Norðvestanverðu landinu í kvöld og eru björgunarsveitir með mikinn viðbúnað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af