Katrín Jakobsdóttir forsætisráðherra er nú á leiðtogafundi Atlantshafsbandalagsins í Bretlandi, líkt og sjá má á myndinni hér að ofan þar sem hún stendur við hlið Victors Orbán en fyrir aftan Recip Erdogan. Á myndinni eru einnig Elísabet Bretadrottning, Karl prins, Donald Trump, Boris Johnson, Angela Merkel og Emmanuel Macron, svo nokkrir séu nefndir. En má segja að þarna sé misjafn sauður í mörgu fé.
En Katrín situr ekki auðum höndum þegar Nató-fundunum sleppir, því BBC greinir frá því að Katrín hafi tekið þátt i umræðum í The Royal Institute of International Affairs í Chatham House og fjallað um velsældarhagkerfið. Hér má sjá myndband frá fundinum. Þetta er nokkuð langt eða heil klukkustund.
BBC segir að þarna sé Katrín Jakobsdóttir í sama liði og Jacinda Arden, forsætisráðherra Nýja-Sjálands, og Nicola Sturgeon, leiðtoga heimastjórnar Skotlands. Það þurfi að byggja á öðrum mælikvörðum en bara hagvexti.
