fbpx
Sunnudagur 07.júní 2020
Eyjan

ASÍ: „Starfsfólk Samherja er ekki ábyrgt fyrir hegðun stjórnar og annarra stjórnenda“

Ritstjórn Eyjunnar
Miðvikudaginn 20. nóvember 2019 18:00

Ekki missa af Helstu tíðindum dagsins í pósthólfið þitt

Lesa nánar

„Miðstjórn Alþýðusambands Íslands fordæmir með öllu því arðráni sem afhjúpað var í umfjöllun Kveiks og Stundarinnar í síðustu viku og skipulagðri spillingu þar sem auðlindir fátækrar þjóðar eru misnotaðar,“

segir í ályktun frá miðstjórn ASÍ. Þar eru starfsaðferðir Samherja í Namibíu fordæmdar:

„Það er hrollvekjandi að sjá hvernig Samherji virðist hafa nýtt sér árangursríkt þróunarstarf íslenska ríkisins í Namibíu, siglt í kjölfar þess góða starfs og arðrænt fátækt samfélag. Íslensk verkalýðshreyfing stendur með vinnandi fólki í Namibíu og rétti þess til mannsæmandi kjara. Það er ljóst að rannsakendur verða að fá skýrt umboð og fjármagn til að komast til botns í vinnubrögðum Samherja á erlendum vettvangi sem og innlendum eftir því sem tilefni er til. Þá vekur málið spurningar um samspil stjórnmála og stórfyrirtækja og nauðsyn þess að efla eftirlit og tryggja hlutleysi og möguleika eftirlitsstofnana til að sinna sínu nauðsynlega hlutverki.“

Þá er nefnt að nauðsynlegt sé  að rannsókn málsins verði vönduð og þeir sem ábyrgð bera verði látnir taka afleiðingum gjörða sinna, það sé nauðsynlegt lýðræðinu:

„Miðstjórn Alþýðusambandsins minnir á að ein undirstöðuatvinnugrein þjóðarinnar er sjávarútvegur þar sem starfa þúsundir félagsmanna aðildarfélaga ASÍ. Það skiptir máli hverjum er treyst fyrir sameiginlegri auðlind þjóðarinnar og það á að vera skýlaus krafa að farið sé vel með hana og allt samfélagið njóti arðs af henni. Meðferð sameiginlegra auðlinda okkar á ekki að dýpka stéttskiptingu eða misrétti á milli landssvæða. Það er líka tilefni til að minna á að starfsfólk Samherja er ekki ábyrgt fyrir hegðun stjórnar og annarra stjórnenda fyrirtækisins frekar en almennt starfsfólk annarra fyrirtækja. Alþýðusamband Íslands hvetur launafólk til að láta í sér heyra gegn spillingu og arðráni!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Borgarfulltrúi gagnrýnir samstöðumótmælin í gær: „Á sama tíma er ekki leyft að halda 10 manna fundi“

Borgarfulltrúi gagnrýnir samstöðumótmælin í gær: „Á sama tíma er ekki leyft að halda 10 manna fundi“
Eyjan
Fyrir 2 dögum

Grunar Gallup um græsku eftir skellinn í gær – „Fyrrverandi Kaupþingsmenn sem eru með dóma á sér“

Grunar Gallup um græsku eftir skellinn í gær – „Fyrrverandi Kaupþingsmenn sem eru með dóma á sér“
Eyjan
Fyrir 4 dögum

Ýjar að vafasömum tengslum bæjarstjóra við Kviku

Ýjar að vafasömum tengslum bæjarstjóra við Kviku
Eyjan
Fyrir 5 dögum

Ríkisstjórnin vilji uppsagnir frekar en áætlanir – „Eins og aparnir þrír sem vilja ekki sjá, heyra eða segja neitt illt“

Ríkisstjórnin vilji uppsagnir frekar en áætlanir – „Eins og aparnir þrír sem vilja ekki sjá, heyra eða segja neitt illt“
Eyjan
Fyrir 1 viku

Forstjóri Atlanta – „Sjáum ekki tækifæri í raunum Icelandair“

Forstjóri Atlanta – „Sjáum ekki tækifæri í raunum Icelandair“
Eyjan
Fyrir 1 viku

Gunnlaugur segir forsetakosningar nauðsynlegar – „Efnahagslegu stórslysi var forðað með þessari ákvörðun“

Gunnlaugur segir forsetakosningar nauðsynlegar – „Efnahagslegu stórslysi var forðað með þessari ákvörðun“